تم حقیقت نہیں ہو حسرت ہو

Posted on March 9, 2012 By Adeel Webmaster جون ایلیا

تم حقیقت نہیں ہو حسرت ہو
جو ملے خواب میں وہی دولت ہو

میں تمہارے ہی دم سے زندہ ہوں
مر ہی جائوں جو تم سے فرصت ہو

تم ہو خوشبو کے خواب کی خوشبو
اور اتنی ہی بے مروت ہو

تم ہو انگڑائی رنگ و نکہت کی
کیسے انگڑائی سے شکایت ہو

کس طرح چھوڑ دوں تمہیں جاناں
تم مری زندگی کی عادت ہو

کسلیے دیکھتی ہو آئینہ
تم تو خود سے بھی خوبصورت ہو

داستاں ختم ہونے والی ہے
تم مِری آخری محبت ہو

جون ایلیا