جب میں دُنیا کے لیے بیچ کے گھر آیا تھا

hamari taqdeer

hamari taqdeer

جب میں دُنیا کے لیے بیچ کے گھر آیا تھا
اُن دنوں بھی مرے حصے میں صفر آیا تھا

کھڑکیاں بند نہ ہوتیں تو جُھلس ہی جاتا
آگ اُگلتا ہوا سورج مرے گھر آیا تھا

آج سڑکوں پہ تصویر بناتے رہیے
اُنگلیاں ٹوٹ چکیں جب یہ ہنر آیا تھا

جو کبھی ہوتا ہے صدیوں میں منور اک بار
وہ دیا مجھ کو کئی بار نظر آیا تھا

لوگ پیپل کے درختوں کو خدا کہنے لگے
میں ذرا دُھوپ سے بچنے کو اِدھر آیا تھا

راحت اندوری