کراچی: کراچی میں گزشتہ چوبیس گھنٹوں کے دوران فائرنگ کے مختلف واقعات میں دو بھائیوں سمیت بیس افراد ہلاک ہوگئے۔ کراچی کے مختلف علاقوں میں حالات بدستور کشیدہ ہیں خاص طور پر ملیر، لانڈھی اور ملحقہ علاقوں میں کشیدگی زیادہ پائی جاتی ہے۔ ان علاقوں میں کاروبار تیسرے روز بھی بند ہے۔ رینجرز نے مختلف علاقوں میں سرچ آپریشن شروع کردیا ہے اور کچھ مشتبہ افراد کو حراست میں بھی لیا ہے۔
پولیس کے مطابق رنچھوڑ لائن کے علاقے رام سوامی چوک پر فائرنگ سے 35سالہ فیاض ہلاک ہوا ۔ کریم آباد میں حبیب میڈیکل سینٹر کے پاس فائرنگ سے تیس سالہ افضل، تیس سالہ اسرار اور پچیس سالہ خالد چل بسے۔ نارتھ کراچی انڈہ موڑ کے قریب دو سگے بھائیوں سمیت تین افراد کو ہلاک کردیا گیا۔ سرجانی ٹان میں پچیس سالہ نوید جبکہ اورنگی ٹان میں فائرنگ سے دو افراد ہلاک ہوئے۔
ادھرگلشن کالج کے قریب سے دو افراد کی لاشیں ملی ہیں، بلدیہ ٹان، رنچھوڑ لائن، قائد آباد اورکلاکوٹ میں بھی مختلف واقعات میں چار افردا مارے گئے۔ دوسری طرف ملیر، لانڈھی، اورنگی ٹان، رنچھوڑ لائن اور پرانی سبزی منڈی کے علاقوں میں وقفے وقفے سے فائرنگ کا سلسلہ جاری ہے جس سے علاقہ مکینوں میں شدید خوف و حراس پایا جاتا ہے ۔
چیئرمین نیب تقررکیس،مہلت کی حکومتی درخواست مسترد
سلیم شہزاد قتل، کمیشن کو ای میل ریکارڈ فراہم کرنے سے معذرت