ہم تو چلتے ہیں لو خدا حافظ

Posted on May 26, 2012 By Adeel Webmaster بہادر شاہ ظفر

ہم تو چلتے ہیں لو خدا حافظ
بت کدہ کے بتو خدا حافظ

کر چکے تم نصیحتیں ہم کو
جائو بس نصیبو خدا حافظ

آج کچھ اور طرح پر ان کی
سناتے ہیں گفتگو خدا حافظ

بارگاہی ہے ہمیشہ زخم پہ زخم
دل کے چراغو خدا حافظ

آج ہے کچھ زیادہ بے تابی
دلِ بے تاب کو خدا حافظ

کیوں حفاظت ہم اور کی ڈھونڈیں
ہر نفس جب کہ ہے خدا حافظ

چاہے رخصت ہو راہِ عشق میں عقل
اے ظفر جانے دو خدا حافظ

بہادر شاہ ظفر