اسلام آباد (جیوڈیسک) پاک فوج کے سپہ سالار نے یوم پاکستان کے موقع پر خصوصی پیغام میں فساد کرنے والوں کو واضح وارننگ دے دی آرمی چیف جنرل قمر جاوید باجوہ کا کہنا ہے یہ ہم سب کا پاکستان ہے۔
پاکستان کو فسادیوں سے پاک کر کے رہیں گے، آئی ایس پی آر نے آرمی چیف جنرل قمر جاوید باجوہ کا یوم پاکستان کو حوالے سے خصوصی پیغام جاری کر دیا۔
آنکھوں میں چمک، مصمم ارادہ، چہرے سے جھلکتا فولادی عزم، پاک آرمی کے جری سپہ سالار جنرل قمر جاوید باجوہ کا یوم پاکستان کے موقع پر خصوصی پیغام جاری کر دیا گیا۔ فساد کرنے والوں کو وارننگ بھی دی گئی ہے۔
آئی ایس پی آر کے جاری کردہ پیغام میں آرمی چیف جنرل قمر جاوید باجوہ نے فسادیوں کو دو ٹوک پیغام دیتے ہوئے خبردار کیا ہے کہ پاکستان کو فسادیوں سے پاک کر کے رہیں گے۔ انہوں نے کہا آج عہد کریں کہ ہمیں پاکستان کو فسادیوں سے پاک کرنا ہے۔
صدر اور وزیراعظم کا 23 مارچ پر پیغام، مینار پاکستان پر شاندار آتش بازی
یوم پاکستان پر مسلح افواج کی شاندار پریڈ، غیر ملکی دستوں کی بھی شرکت