اسلام آباد (جیوڈیسک) امریکی صدر باراک اوباما نے وزیراعظم نواز شریف سے ٹیلی فونک رابطہ کرکے سانحہ لاہور پر اپنی عوام اور حکومت کی جانب سے دلی افسوس اور دکھ کا اظہار کیا ہے۔
باراک اوباما کا کہنا تھا کہ آپ کی قیادت میں پاکستان نے دہشتتگردی کیخلاف بڑی پیش رفت کی ہے۔ انسداد دہشتگردی کیلئے آپ کی قیادت پر اعتماد کرتے ہیں اور کوششوں کو سراہتے ہیں۔
دہشتگردی کے خاتمے کیلئے پاکستان کی ہر ممکن مدد کریں گے۔ اس موقع پر امریکی صدر نے وزیراعظم نواز شریف سے جلد ملاقات کی خواہش کا اظہار بھی کیا۔
اس موقع پر گفتگو کرتے ہوئے وزیراعظم نواز شریف کا کہنا تھا کہ دہشت گردوں کا نیٹ ورک تباہ کر دیا گیا ہے۔ اب دشمن معصوم انسانوں کو نشانہ بنا رہے ہیں جو ان کا آسان ہدف ہیں۔
انہوں نے کہا کہ دہشتگردی کیخلاف میرا اور قوم کا عزم دن بدن مضبوط ہو رہا ہے۔
کراچی : بھتہ خوری اور اسلحہ کی ترسیل میں خواتین ملوث، عزیر بلوچ کا انکشاف
بھارت سے سخت لہجے میں بات کرنا ہو گی : اختر مینگل