انتساب

یہ میرے جذبوں کی حرف گوئی
یہ میرے شعروں کے استعارے

وصل کی نا رسا سی گھڑیاں
ہجر کے معتبر سہارے

اداس دل کی اداس باتیں
غموں کی چادر میں لپٹی ہوئی

پہاڑ جیسی سیاہ راتیں
دمِ سحر افق پہ تاباں

مسافتوں کا ابھرتا سورج
مسافتوں کی عذاب رت میں

رفاقتوں کے اجاڑ موسم
محبتوں کے عظیم تر دکھ

دیارِ حسن و جمال کے غم
یہ سارا کچھ نام ہے اسی کے
جو شخص باہر ہے دسترس سے!

Sahil Munir

Sahil Munir

تحریر : ساحل منیر