ن لیگ آزاد کشمیر کے تمام کارکنان کو کامیاب ترین جلسہ پر مبارکباد پیش کرتے ہیں۔ زبیر اقبال کیانی

Zubair Iqbal Kayani

Zubair Iqbal Kayani

لیوٹن برطانیہ (نمائندہ خصوصی) مسلم لیگ ن آزاد کشمیر کے جلسہ میں عوام کے ٹھاٹھیں مارتے سمندر نے ثابت کر دکھایا کہ کشمیری عوام مسلم لیگ ن آزاد کشمیر کی قیادت پر بھر اعتماد کا اظہار کرتی ہے اور مسلم لگ ن کی قیادت کو ہی اپنا مسیحا سمجھتی ہے عوام کے بھر پور اعتماد سے ایک بات تو طے ہے کہ ہم آئندہ الیکشن میں بھی کلین سویپ کریں گے مسلم لیگ نون آزاد کشمیر ریاست کی سب سے بڑی عوامی نمائندہ سیاسی جماعت بن چکی ہے جلد ہی کرپشن کے بت پاش پاش کر دیں گے۔

موجودہ حکومت کو سامان باندھ کر رکھ لینا چاہئے اب ان کی کرپشن کے دن گنے جا چکے ہیں عوام نے مسلم لیگ ن آزاد کشمیر کے حق میں فیصلہ سنا دیا ہے کہ ان کے دکھوں کا مداوا صرف اور صرف ن لیگ آزاد کشمیر ہی کر سکتی ہے۔

موجودہ حکومت نے جو لوٹ مار کا بازاد گرم کر رکھا ہے ان سے پائی پائی کا حساب لیا جائیگا ذرداری اور اس کے حواریوں نے آزاد کشمیر کے وسائل کی دولت پر جو ہاتھ صاف کرنے کے لئے کٹپتلی وزارت عظمی ٰ پر بٹھائی تھی اب وقت آ گیا ہے کہ عوام اس اور اس جیسی کئی کٹپتلیوں کی ڈوری اپنے ہاتھوں میں لیکر انہیں آزاد کشمیر کی سیاست سے باہر کر دے گی۔

ان خیالات کا اظہار مسلم لیگ نون آزاد کشمیر برطانیہ کے صدر زبیر اقبال کیا نی نے اخباری نمائندہ سے خصوصی گفتگو کے دوران کیا انہوں نے مزید کہا کہ مجید حکومت نے جو مال بنانا تھا بنا لیا اب اس کا حساب لینے کی باری ہے اور اس بار حساب کتاب عوام کی عدالت میں ہو گا اور ہمیں یقین ہے کہ عوام ان کرپشن مافیا کو بھاگنے کا کئی موقع بھی فراہم نہیں کریں گی۔