باچا خان یونیورسٹی کھولنے یا بند رکھنے کا فیصلہ آج ہو گا

Bacha Khan University

Bacha Khan University

چارسدہ (جیوڈیسک) باچا خان یونیورسٹی چارسدہ کو کھولنے یا بند رکھنے کا فیصلہ کرنے اور سیکیورٹی انتظامات کا جائزہ لینے کیلئے یونیورسٹی انتظامیہ کا ہنگامی اجلاس آج طلب کر لیا گیا ۔

باچا خان یونیورسٹی کے ترجمان سید خان خلیل نے جیو نیوز کو بتایا کہ وائس چانسلر فضل رحیم مروت نے ہنگامی اجلاس آج دن گیارہ بجے طلب کیا ہے، جس میں یونیورسٹی کے تمام شعبہ جات کے سربراہان شرکت کریں گے۔

اجلاس میں یونیورسٹی پر حملے کے بعد کیے گئے سیکیورٹی انتظامات کا جائزہ لیا جائے گا اوراس کے تناظر میں جامعہ کو دوبارہ کھولنے یا بند رکھنے کا فیصلہ کیا جائے گا۔

اجلاس میں حکومتی کمیٹی کی رپورٹ پر بھی تبادلہ خیال کیا جائے گا، جس میں یونیورسٹی کے وائس چانسلر اور سیکیورٹی انچارج کو ہٹانے کی سفارش کی گئی ہے۔