بدین کی خبریں 3/11/2016

Badin Qabristan

Badin Qabristan

بدین (عمران عباس) بدین کا مشہور مولوی حاجی احمد ملاح قبرستان انتظامیہ عدم توجہی کے باعث خستہ حالی کا شکارہوگیا، علاقہ مکینوں اور مخیر حضرات نے اپنی مدد آپ کے تحت قبرستان کو سنوارنے کا کام شروع کردیا، بدین کامشہور قبرستان مولوی حاجی احمد ملاح خستہ حالی کاشکار ہوچکا ہے۔ قبرستان کے چاروں اطراف دیور بھی موجود نہیں ہے، علاقہ مکینوں کی جانب سے تین سالوں سے مسلسل ضلعی حکومت کے عملداروں اور میونسپل کمیٹی کے بالا حکام کو درخواستیں دی گئی ہیں لیکن ضلع حکومت کی جانب سے کوئی بھی ایکشن نہیں لیا گیا جس کے باعث قبرستان میں پانی اور قبضہ مافیا کی جانب سے بہت سارے پلاٹ پر قبضہ کرلیا گیا ہے۔ اس قبرستان میں پاک آرمی اور رینجرز کے جوان بھی دفن ہیں جو مختلف جگہوں پر شہید ہوگئے تھے جبکہ میونسپل کمیٹی کی جانب سے دس لاکھ کا ایک ٹینڈر منظور کیا گیا جس میں سے صرف ایک لاکھ کی دیوار کو تعمیر کیا گیا اور باقی پیسے کرپشن کی نظر ہوگئے، علاقہ مکینوں حنیف سہڑاٹ، اسحاق قاضی، علاقے سے منتخب کاﺅنسلر غلام حسین سومرو، اور دیگر نے علاقے سے چندہ جمع کرکے قبرستان میں مٹی کا کام شروع کروا دیا ہے جس کے بعد مخیر حضرات کی جانب سے پیسے دینے کاسلسلہ بھی شروع ہوچکا ہے۔ قبرستان کا کام کروانے والے رہنماﺅں کا کہنا ہے کہ پورے قبرستان میں پانی بھر چکا ہے اور اس وقت تک 150سے زائد مٹی کی ٹارلیاں اس میں لگ چکی ہیں جس کے باعث کافی گنجائش پیدا ہوگئی ہے اور ہمیں امید ہے کہ کام مکمل ہونے تک اس قبرستان میں ایک ہزار سے زائد قبروں کی گنجائش پیدا ہوجائے گی۔ انہوں نے مزید کہا کہ ہمارے بدین سے منتخب ہونے والے ایم این اے ڈاکٹر سکندر میندھرو جو اس وقت ہیلتھ منسٹر بھی ہیں ان کو بھی کئی بار کہا ہے لیکن وہ بدین آنے کے لیئے بھی تیار نہیں ہیں جبکہ اب کسی بھی افسر یا منسٹر کو نہیں کہیں گے اور اپنی مدد آپ کے تحت قبرستان کا کام مکمل کروائیں گے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدین(عمران عباس)احمد راجو کے مکینوں کی جانب سے چھوتے روز بھی علامتی بھوک ہڑتال کی گئی، پریس کلب کے سامنے کی جانے والی بھوک میں احتجاجی مظاہرہ بھی کیا گیا ،پاکستان فشر فوک فورم ضلع بدین کے رہنماﺅں عمر ملاح، یاسین تنیو، قاسم بچو، مٹھن ملاح ، اور خواتین نے مطالبہ کیا کہ ساحلی علاقے نرڑی جھیل کے قریب بااثر افراد کی جانب سے سرکاری زمینوں پر قبضہ کیا گیا ہے ضلع حکومت کی جانب سے ان کو وہ پلاٹ لیز پر دے دیئے گئے ہیں جو سراسر نا انصافی ہے ،انہوں نے مزید کہا کہ جب تیز بارشیں یا سمندری طوفان آتے ہیں تو وہاں کہ لوگ ان پلاٹوں پر آباد ہوجاتے ہیں لیکن اب ان پر قبضہ ہونے کے باعث وہاں پر رہنے والے لوگوں کو شدید دشواری کا سامنا کرنا پڑ رہاہے ، انہوں نے مطالبہ کیا کہ جب تک ہمارے پلاٹوں پر قبضہ ختم نہیں کروایا جاتا یہ بھوک ہڑتال جاری رہے گی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدین (عمران عباس )چانڈیہ نگر میں رحمت کا پانی زحمت بن گیا، علاقہ مکینوں کے ساتھ مستقبل کے معمار بھی اذیت سے دو چار ہوگئے ، میونسپل انتظامیہ اور پبلک ہیلتھ کی لاپرواہی علاقے کو لے ڈوبی۔۔
بدین شہر کے علاقے چانڈیہ نگر میں چار ماہ قبل اللہ کی جانب سے برسائی جانے والی رحمت میونسپل انتظامیہ اور پبلک ہیلتھ کی لاپرواہی کے باعث زحمت بن چکی ہے گلیوں اور گھروں میں گندا پانی ہونے کے باعث وہاں پر موجود اسکول جانے والی طالبات کو شدید دشواری کا سامنا کرنا پڑتا ہے ،علاقہ ریلوے ٹریک پر ہونے کے باعث دو حصوں میں تقسیم ہوگیا ہے پبلک ہیلتھ کی جانب سے ایک حصے میں گٹر لائین کا کام شروع کیا گیا تھا لیکن وہ کام بیچ میں ہی بند کردیا گیا ہے جبکہ دوسری جانب گٹر لائینوں اور نالوں کا نامو نشان تک موجود نہیں ہے ، مطلقہ افسران کہتے ہیں کہ ریلوے انتظامیہ کام میں رکاوٹ ڈال رہی ہے اور درمیاں میں پٹڑیاں ہونے کے باعث گٹر لائینوں کی کھدائی کا کام بھی کرنے نہیں دیتی اس لیئے کام کو بند کردیا گیا ہے ، چار ماہ گزجانے کے باجود گھروں سے پانی کا اخراج نہیں کیا جا سکتا ہے جس کے باعث علاقے میں مختلف بیمارویوں، ملیریا، ڈائریا، اور جلد کی بیماریوں نے جنم لے لیا ہے ، بچے بڑے اور خواتین پانی سے گذر کرکے گھروں میں جاتے ہیں اور باہر آتے ہیں، جبکہ چھوٹی بچیاں جو اسکول جاتی ہیں ان کے مطابق اکثر اسکول جاتے ان کے کپڑے بھی گندے ہوجاتے ہیں اور کتابیں بھی پانی میں گرجاتی ہیں،علاقہ مکینوں نے حکومت سندھ اور محکمہ بلدیات سے مطالبہ کیا ہے کہ گھروں اور گلیوں سے گندے پانی کا اخراج کرکے انہیں مستقل گٹر لائین مہیا کی جائے۔۔۔

Badin Hunger Strike

Badin Hunger Strike

Badin Chandia Nagar

Badin Chandia Nagar