اگر آپ کو کیلے پسند ہیں، تو ایک اچھی خبر یہ ہے کہ اس پھل کو کھانے کے نتیجے میں آنکھیں صحت مند اور عمر بڑھنے کے ساتھ بینائی کم اور آنکھوں کے دوسرے امراض کا خطرہ کم ہو جاتا ہے۔ یہ دعویٰ آسٹریلیا میں ہونے والی ایک طبی تحقیق میں سامنے آیا ہے۔
جرنل آف ایگری کلچرل اینڈ فوڈ کیمسٹری کے مطابق، کوئنز لینڈ یونیورسٹی میں کی جانے والی ایک تحقیق میں یہ بات سامنے آئی ہے کہ کیلوں میں ایک جزو، کیروٹین پایا جاتا ہے، جو پھلوں اور سبزیوں کو مختلف رنگوں جیسا کہ سرخ یا زرد میں بدلتا ہے اور یہ جزو جسم میں جانے کے بعد وٹامن اے میں بدل جاتا ہے، جو آنکھوں کی صحت کے لیے بہت اہمیت رکھتا ہے۔
امریکی اخبار کے مطابق، اس سے قبل مختلف ریسرچ رپورٹوں میں یہ بات سامنے آئی تھی کہ کیروٹین مخصوص اقسام کے کینسر، شریانوں کے امراض اور شوگر وغیرہ سے تحفظ دینے میں مددگار ثابت ہو سکتا ہے اور اب آسٹریلین تحقیق میں بتایا گیا ہے کہ کیلے کیروٹین سے بھرپور ہوتے ہیں، جو جسم میں وٹامن اے کی کمی کو پورا کرنے میں مددگار ثابت ہو سکتے ہیں، جو بینائی کے لیے بہت اہم ہے۔
محققین نے اس حوالے سے کیلوں کی دو اقسام کا تجریہ کیا اور اس کے بعد اس نتیجے پر پہنچے کہ ان میں کیروٹین کی مقدار مختلف ہوتی ہے یا نہیں۔ نتائج سے یہ بھی معلوم ہوا ہے کہ ایک کیلا روزانہ کھانے سے عمر بڑھنے کے ساتھ بینائی کو لاحق ہونے والے امراض کی روک تھام میں مدد مل سکتی ہے۔
بلڈ شوگر کو معمول پر رکھنے کا آسان نسخہ
بھارت : مریض کو پیٹ میں درد کی شکایت، آپریشن کے دوران چالیس چاقو برآمد