ممبئی (جیوڈیسک) بالی وڈ کے معروف ہدایت کار اور متعدد سپرہٹ فلموں کے خالق مہیش بھٹ بالی وڈ میں بننے والی حالیہ فلموں میں کہانی اور کرداروں سے مطمئن نہیں ہیں۔
ان کا کہنا ہے کہ فلموں کی موجودہ اسٹرٹیجی ناکام ہوگئی ہے جسے تبدیل کرنے کا وقت آ گیا ہے۔ ایک انٹرویو میں مہیش بھٹ نے کہا کہ جس ڈگر پر چلتے ہوئے فلمیں بنائی اور ریلیز کی جارہی ہیں اسے نئی اور جدید دنیا کے مزاج کے مطابق ڈھالنا ہو گا۔
انھوں نے کہا کہ یہ ٹیکنالوجی کا دور ہے اور اب وہی فلم کامیاب ہوگی جو نئے انداز اور تقاضوں سے ہم آہنگ ہوگی۔ واضح رہے مہیش بھٹ کے کریڈٹ میں ’’سارنش‘‘، ’’ارتھ‘‘ ،’’دل ہے کہ مانتا نہیں‘‘اور ’’زخم‘‘جیسی فلمیں موجود ہیں۔
کامیڈی لیجنڈ اداکاررنگیلا کو اپنے مداحوں سے بچھڑے 11 برس بیت گئے
عامر خان دنگل کے لیے ریسلنگ کے گر سیکھنے میں مصروف