بوچھال کلاں (نامہ نگار) کونسلر یونین کونسل بوچھال کلاں ملک جاوید اختر اور ملک امتیاز کی ہمشیرہ مختصر علالت کے بعد انتقال کر گئیں ان کی نماز جنازہ ان کے آبائی قبرستان بوچھال کلاں میں ادا کی گئی نماز جنازہ میں سیاسی و سماجی شخصیات نے کثیر تعداد میں شرکت کی مرحومہ کو ان کے آبائی قبرستان بوچھال کلاں میں سپرد خاک کر دیا گیا مر حومہ کے انتقال پر سماجی کارکن ملک حفیظ دھرکنہ، ریاض احمد ملک (صحافی) ملک عثمان اعوان نے ملک جاوید اختر اور ملک امتیاز سے اظہار تعزیت کی اور مرحومہ کے ایصال ثواب کے لئے دعائے مغفرت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بوچھال کلاں (نامہ نگار) بوچھال کلاں کے قریب سیمنٹ فیکٹری لکانے کا معاملہ کھٹائی میں پڑنے والا ہے عوام سیمنٹ فیکٹری کے خلاف ڈٹ گئی تفصیل کے مطابق نجی سی،مٹ فیکٹری مالکاں نے بوگس طریقے سے میٹنگیں کر کر بوچھال کلاں میں زمینیں خرید کر فیکٹری لگانے کا منصوبہ بنایا اور لوگوں لو یقین دلایا کہ وہ انہیں پیکج دیں گے اوپر سے جھوٹ بولا کہ انہوں چئیرمین یونین کونسک بوچھال کلاں ملک اختر شہباز سے ڈیل کر لی ہے جب عوام نے ملک اختر شہباز سے رابطہ کیا تو جھوٹا پراپگنڈہ کرنے والوں کا پول کھل گیا ملک اختر شہباز کی کال پر علاقہ بھر سے ہزاروں افراد نکل آئے اور دعائے خیر پر اعلان کیا کہ وہ فیکٹری مالکان کو ایک انیچ بھی جگہ نہیں دیں گے فیکٹری مالکان کی غلط بیانی نے پورے علاقے کو متحد کر دیا ہفتہ کے روز بوچھال کلاں کے عوام لاہور پریس کلب کے سامنے احتجاج کریں گے جس کے بعد یہ تحریک پورے ونہار میں چلائی جائے گی اور اس جھوٹے گروپ کو ونہار سے بھگا دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بوچھال کلاں (نامہ نگار )علاقہ ونہار میں بجلی کی غیر اعلانیہ لوڈشیڈنگ جاری عوام پریشانیوں سے دوچار تفصیل کے مطابق علاقہ ونہار سے تعلق رکھنے والے عوامی وفد نے یہاں اخبار نویسوں کو بتایا کہ منارہ فیڈر کی حدود میں ہر ایک گھنٹہ کے بعد دو گھنٹے بجلی بند رکھنا وطیرہ بن چکا ہے جس کی وجہ سے بجلی سے منسلک کاروبار تباہ ہو چکے انہوں نے کہا کہ مقامی افراد کی ڈیوٹی کی وجہ سے لائن لاسسز کی تعداد بہت زیادہ ہوتی ہے جسے پورا کرنے کے لئے ایسے اقدامات کئے جا رہے ہیں معلوم ہوا ہے کہ SDO واپڈاکلر کہار کی ملی بھگت سے مقامی لائن مین اس گنگا میں نہا رہے ہیں اور عوام شدید مشکلات کا شکار ہیں انہوں نے حکام بالا سے نوٹس لینے کی اپیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بوچھال کلاں (نامہ نگار ) بوچھال کلاں سے دو بچوں کو اغوا کرنے کی کوشش ناکام عوام میں خوف و ہراس پھیل گیا تفصیل کے مطابقبوچھال کلاں محلہ مشرقی کے رہائشی جمیل الرحمٰن کے چھوٹے بچے اپنی سائیکل لے کر گلی میں نکلے تو انہیں دو نوجوان لڑکوں نے اغوا کرنے کی کوشش کی اور انہیں اٹھا کر ڈاکخانے والی گلی تک لے آئے تو وہاں کھڑے ایک بزرگ نے ان سے پوچھ لیا جب بچوں نے بزرگ کو دیکھا تو شور مچا دیا جس پر محلہ کے لوگ آ گئے مگر اغوا کار فرار ہونے میں کامیاب ہو گئے اس واردات کے بعد پورے علاقے میں خود و ہراس پھیل چکا ہے اور لوگوں سے دوپہر اور شام کو اپنے بچوں کو گھروں میں پابند کرنا شروع کر دیا ہے۔
شادی ہال موالیوں اور جرم پیشہ افراد کی آماجگاہ بن گیا
پیپلز پارٹی شاہ فیصل کالونی کا سید مراد علی شاہ کو مبارکباد