بجٹ 2017-18

Budget

Budget

بجٹ منظور ہو گیا ہُن کی کریے کی کریے
میَں ہور وی مجبور ہو گیا ہُن کی کریے کی کریے
مُرغی دی تیز ہوئی چال
میری پھیکی رہ گئی دال
وچھایا سرکار کیسا جال
سر تو اُڈ گئے میرے وال
اب میَں اس سے زیادہ کیا کہوں
میَں شیدا ٹلی ہو گیا ہُن کی کریے کی کریے
بجٹ منظور ہو گیا ہُن کی کریے کی کریے
گلاں دے وار نہ کر نیں
سانوں ہور بیمار نہ کر نیں
دل ہو گیا نیں بے قابو
ہائے چل گیا بجٹ دا جادُو
دل نِکل کے ساڈا او گیا ہُن کی کریے کی کریے
بجٹ منظور ہو گیا ہُن کی کریے کی کریے
پہلے ای کیہڑی کٹ سی
جیہڑی جیب دے اُتے ودھ سی
ہُن کیہڑے پاسے جاواں
میَں منجی کتھے ڈاواں
نہلے پہ دہلا ہو گیا ہُن کی کریے کی کریے
بجٹ منظور ہو گیا ہُن کی کریے کی کریے
میک اپ کر دتا جے مہنگا
ہن ہتھ آندا نیئں جے لہنگا
بُڈی وی رُس رُس وکھاوے
خرچ ودھان لئی پریشر پاوے
اب میَں اس سے زیادہ کیا کہوں
میَں ہور کنگال ہو گیا ہُن کی کریے کی کریے
بجٹ منظور ہو گیا ہُن کی کریے کی کریے
اپنے ای خزانے بھر دے
ساڈا خیال نہ کر دے
ہزار روپیہ جے ودھایا
سمجھو میں کجھ نئیں کمایا
تنخواہ ودھا کے اوگیا ہُن کی کریے کی کریے
بجٹ منظور ہو گیا ہُن کی کریے کی کریے
ہُن کیہڑی گل دا شکوہ
ٹھپ دِتا ای میرا مکوہ
کانوں روائی جانویں
پلکاں نُوں سُجائی جانویں
جو ہونا سی او ہو گیا ہُن کی کریے کی کریے
بجٹ منظور ہو گیا ہُن کی کریے کی کریے
میَں ہور وی مجبور ہو گیا ہُن کی کریے کی کریے
اب میَں اس سے زیادہ کیا کہوں
عرفان شیدا ٹلی ہو گیا ہُن کی کریے کی کریے