کیلیفورنیا: جنگلات میں لگنے والی آگ بے قابو، دو سو مکانات جل کر راکھ

California Forestry Fire

California Forestry Fire

کیلیفورنیا (جیوڈیسک) کیلیفورنیا کے جنگلات میں لگنے والی آگ پر تاحال قابو نہیں پایا جا سکا ، اب تک پینتیس ہزار سے زائد رقبہ اور دو سو سے زائد مکانات جل کر راکھ ہو چکے ہیں ۔

کیلیفورنیا کی کاونٹی کرن کے جنگلات میں لگی آگ بے قابو ہوتی جا رہی ہے ۔ گیارہ سو ریسکیو اہلکار آگ بجھانے کی کوششوں میں مصروف ہیں ۔ بیشتر قریبی علاقوں سے شہریوں کو محفوظ مقامات پر منتقل کر دیا گیا ہے ۔ تاہم آگ کی زد میں آنے والے کچھ علاقوں تک ابھی تک رسائی حاصل نہیں ہو سکی ہے۔

ہلاکتوں کا خدشہ ظاہر کیا جا رہا ہے ۔ آگ سے جھلسنے والے دو افراد کی شناخت اب تک نہیں ہو سکی ہے ۔ ریاستی حکام نے کیلیفورنیا میں ایمرجنسی نافذ کر دی ہے۔