پائی خیل کی خبریں 10/11/2015

Chair Man Anayat Ullah Khan

Chair Man Anayat Ullah Khan

پائی خیل (نامہ نگار) 19 نومبر کا دن یوسی پائی خیل کے آزاد امیدوار برائے چئیرمین عنایت اللہ خان،وائس چئیرمین ملک محمداعظم کی فتح کادن ہوگا۔تفصیلات کے مطابق ڈیسی برادری کی سرکردہ شخصیت اورڈیسنٹ فوٹوشاپ کی مالک ملک محمدعامرڈیسی،ملک محمدعمران ڈیسی،ملک محمدعرفان ڈیسی نے کہا کہ 19 نومبرکاسورج یونین کونسل پائی خیل کے چئیرمین عنایت اللہ خان ،وائس چئیرمین ملک محمداعظم کی کامیابی کی نویدلیکرطلوع ہوگا۔

انہوں نے کہاکہ وانڈھالالے خیل موضع محمدیاروالہ کی تمام ڈیسی برادری اورملک برادری متحدہے ۔انتخابی نشان بوتل پرمہرلگاکرپورے پینل کوکامیاب کریں گے۔

۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔

Voice Chair Man Malik Azam

Voice Chair Man Malik Azam

پائی خیل (نامہ نگار) معروف سماجی شخصیت وسابق چئیرمین زکوٰة حاجی محمداسلم خان دروخیل کی اہلیہ وفات پاگئیں۔ تفصیلات کے مطابق معروف سماجی شخصیت حاجی محمداسلم خان دروخیل کی اہلیہ ،علی خان شاپنگ سنٹرکے مالک اجمل خان ،اکمل خان،نجمل خان دروخیل کی والدہ وفات پاگئیں ۔ان کی نمازِ جنازہ مفتی سلطان احمدقادری نے پڑھائی۔

نمازِ جنازہ میں ہرمکتبہ فکرکے کثیرتعدادلوگوں نے شرکت کی ۔سینکڑوں سوگوران کی موجودگی میں انہیں آبائی قبرستان دادمیاں محمدورالی صاحب میں سپردخاک کردیاگیا۔ان کے ایصالِ ثواب کے لئے قرآنی خواانی آج صبح ساڑھے سات بجے جامع مسجدورالی صاحب میں ہوگی۔

۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔

پائی خیل (نامہ نگار) ڈی پی او میانوالی کی ہدایت پر تھانہ پائی خیل کی پولیس نے 100 بوتل شراب برآمد کر لی تفصیلات کے مطابق ڈی پی او میانوالی سرفراز خان ورک کی ہدایت پر ایس ایچ او تھانہ پائی خیل ارشد اعجاز اور اسکی ٹیم نے ریڈ کر کے ساجد اللہ ولد محمد اعتبار خان سکنہ پائی خیل کو گرفتار کر کے اس کے قبضہ سے 100 بوتل شراب برآمد کر کے مقدمہ درج کر لیا۔

۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔

Mufti Sultan Ahmad Qadri

Mufti Sultan Ahmad Qadri

پائی خیل (نامہ نگار) مسلمان احکام الٰہی اورشریعت نبویۖ کوبھلاکر غیروں کے طورطریقوں پرچل نکلے جس سے پوری دنیامیںہم ذلیل ورسوا ہورہے ہیں۔اللہ اوراس کے محبوب ۖنے جن کاموں سے منع کیاہم نے وہ کام اپنالیے۔ شراب ،جوا، زنا، غیبت، سود، موسیقی اور دیگر شیطانی رسومات ہمارے معاشرے کاحصہ بن کرعذاب الٰہی کاسبب بن رہی ہیں۔ان خیالات کااظہار مفتی سلطان احمدقادری امیرجماعت اہلسنت پائی خیل نے ایک اجتماع سے خطاب کرتے ہوئے کیاانہوں نے کہاکہ مقامی معاشرے میں کوئی ذمہ دارشخص اپنی ذمہ داری پوری نہیں کررہا۔

خطیب ،استاد ،والد ،افسران ،اولاد، بیوی، بیٹی، ماں، بہن، ڈاکٹرالغرض ہرمکاتب فکرکے ذمہ داران اپنی ذمہ داریاں میں غفلت کا شکار ہوکر معاشرے کا بگاڑ پیداکررہے ہیں۔ اگرذمہ داران اپنی اپنی ذمہ داریاں احسن طریقے سے نبھائیں تومعاشرے میں سلجھائو پیدا ہوکر ہر طرف امن وسکون قائم ہوجائے گا۔آجکل جہیزکی لعنت نے معاشرے کو اپنی لپیٹ میں لیکرتنزلی کی وادیوں میں دھکیل دیاہے ۔ہم نمودو نمائش کے رسیاہوگئے ہیں۔جس سے ہم تنزلی کی آخری حدوں کو چُھو کر تباہ وبربادہورہے ہیں۔ مسلمانوں اپنی زندگیاںاللہ اوراسکے محبوبۖکے بتائے ہوئے راستوں پرچل کرگزرایں تاکہ دین ودنیااورآخرت میں سرخروہوجائیں۔