پاکستان تحریک انصاف آج یوم تشکر منا رہی ہے

Posted on November 2, 2016 By Majid Khan اسلام آباد, اہم ترین, مقامی خبریں

اسلام آباد (جیوڈیسک) پاکستان تحریک انصاف اسلام آباد لاک ڈاؤن کی کال واپس لینے کے بعد آج یوم تشکر منا رہی ہے۔

عدالت کے بتائے ہوئے پریڈ گراؤنڈ میں جلسے کی تیاریاں جاری، عمران خان نے جلسہ گاہ کا دورہ بھی کیا۔

پاکستان تحریک انصاف کی جانب سے آج منعقد ہونے والے جلسے کے لیے اسلام آباد کی انتظامیہ نے ٹریفک پلان جاری کر دیا ہے۔

اسلام آباد لاک ڈاؤن کی کال کے باعث پنجاب میں بند کی جانے والی تمام سڑکیں کھول دی گئی ہیں۔

اس سے قبل گزشتہ روز پاناما لیکس پر سپریم کورٹ کی کارروائی کے بعد عمران خان نے دھرنے کی کال واپس لے کر جلسے کا اعلان کیا تھا۔