چترال میں بارشوں نے تباہی مچا دی، جاں بحق افراد کی تعداد 31 ہو گئی

Posted on July 27, 2015 By Mohammad Waseem اہم ترین, مقامی خبریں

چترال (جیوڈیسک) چترال میں سیلابی ریلوں نے تباہی اور بربادی کی نئی داستان رقم کر دی ہے۔ ریش گول نالے میں بھی سیلابی لہریں بے قابو ہو گئیں۔

متعدد دکانیں اور گھر بھی غضب ناک لہروں کے سامنے نہ ٹھہر سکے۔ تین سو سے زائد گھر پانی کی بے رحم موجوں میں بہہ گئے۔

پانچ سو گھروں کو جزوی نقصان پہنچا ہے۔ راستے بند ہونے اور پل ٹوٹنے سے درجنوں علاقوں میں لوگ محصور ہو کر رہ گئے ہیں۔