کراچی (جیوڈیسک) پاکستان کا ایسا میوزیکل شو جس کا میوزک لورز سارے سال انتظار کرتے ہیں۔۔۔خوشخبری یہ ہے کہ ان کا انتظار خٹم ہونے کو ہے، شو 13 اگست کو شروع ہوگا لیکن نئے سیزن نائن کا ٹیزر ریلیز ہو گیا ہے۔
ٹیزر کے طور پرجو پہلا گانا ریلیز کیا گیا وہ پچھلے سال کی روایت کو برقرار رکھتے ہوئے ایک ملی نغمہ ہے ۔۔۔ اور اس کے بول ہیں ’اے راہ حق کے شہیدوں۔‘‘
ماضی میں اسے اس وقت کی مشہور گلوکارہ نسیم بیگم نے گایا تھا جبکہ اب اس بار سیزن نائن میں شریک تمام گلوکاروں نے اسے گایا ہے ۔
سوشل میڈیا پر اسے ریلیز ہوتے ہی شہرت ملنے لگی ہے ،’ ٹوئٹر‘ پر ’کوک اسٹوڈیو سیزن نائن‘ نمبر ون ٹرینڈ بن گیا ہے ۔
کچھ مبصرین کا کہنا ہے کہ کچھ ٹی وی چینلزپر بار بار پیش کئے جانے کی بدولت لوگوں کا اس گانے سے دل بھرا ہوا ہے، بہتر تھا پہلے ٹیزر میں کوئی اور ملی نغمہ پیش کیا جاتا۔
تین منٹ دورانیے پرمشتمل ویڈیو میں نوجوان گلوکاروں کے ساتھ ساتھ پاکستان میوزک انڈسٹری کے بڑےناموں مثلاً عابدہ پروین،راحت فتح علی اورامجد صابری مرحوم نے بھی پرفارم کیا ہےجبکہ آپ امجد صابری کی کوک اسٹوڈیو کے لئے پہلی اور آخری پرفارمنس بھی اسی سیزن میں دیکھ سکیں گے ۔
جو دیگر گلو کار سیزن نائن کا حصہ ہیں ان میں علی عظمت، نصیبولال، میشا شفیع، فاخر، عمیرجسوال، زیب بنگش، نوری اور صنم ماروی شامل ہیں۔
انگلینڈ نے پاکستان کو 141 رنز سے ہرا دیا
اجے دیوگن کی نئی فلم “شیوے ” کا ٹریلر ریلیز ہو گیا