ویسٹ بنگال کالج سروس کمیشن نے نکالیں اردو، عربی سمیت مختلف موضوعات کی آسامیاں

WBCSC

WBCSC

پٹنہ (کامران غنی) ویسٹ بنگال سروس کمیشن نے اشتہار نمبر 01/2015 کے توسط سے اردو ، عربی سمیت مختلف موضوعات کے اسسٹنٹ پروفیسر کے لیے آسامیاں نکالی ہیں۔ امیدوار http://www.wbcsc.ac.in/ پر جا کر آن لائن درخواست دے سکتے ہیں۔ مختلف موضوعات کے لیے ضروری تعلیمی لیاقت اور دیگر معلومات بھی مذکورہ ویب سائٹ پر موجود ہیں۔

امیدوار 31 جولائی 2015 تک آن لائن فرم بھر سکتے ہیں۔ اردو اور عربی کے لیے امیدواروں کو کم از کم متعلقہ سبجیکٹ میں ماسٹر ڈگری کے ساتھ ساتھ نیٹ امتحان کوالیفائی ہونا لازمی ہے۔آن لائن درخواست فارم کے ساتھ امیدواروں کو یونائٹیڈ بینک آف انڈیا کے توسط سے 1500روپیے درخواست فیس کے طور پر جمع کرنے ہوں گے۔

اردو نیٹ جاپان کے اعزازی مدیر کامران غنی نے حکومت مغربی بنگال اور ویسٹ بنگال کالج سروس کمیشن کے اس فیصلہ کا خیر مقدم کیا ہے۔ انھوں نے وزیر اعلیٰ بہار نتیش کمار سے بھی کالج اساتذہ کے تقرر میں آنے والی رکاوٹوں کو دور کر کے انتخابات سے قبل بہار میں کالج اساتذہ کے تقرر کو لازمی بنانے کی گزارش کی ہے۔