لیہ کی خبریں 9/2/2017

Layyah

Layyah

لیہ (محمد صدیق پرہارسے) ڈپٹی کمشنر واجد علی شاہ نے کہا ہے کہ صوبہ بھر کی طرح ضلع لیہ میں بھی پتنگ بازی پر پابندی عائد ہے۔پتنگ اُڑانے اور اس کا کاروبار کرنے والوں کے خلاف سخت کارروائی عمل میں لائی جائے گی۔انہوں نے کہا کہ متعلقہ ادارے دھاتی ڈور اور پتنگ تیار کرنے اور فروخت کرنے والے افراد پر کڑی نظر رکھیں اور خلاف ورزی کے مرتکب افراد کا سامان ضبط کرکے انہیں حراست میں لیاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہارسے) ڈپٹی کمشنر واجد علی شاہ نے ہدایت کی ہے کہ تمام سرکاری عمارات بالعموم جبکہ تعلیمی اداروں میں استعمال ہونے والا تعمیراتی میٹریل بالخصوص کوالٹی پر کوئی سمجھوتہ نہیں کیا جائے گا ۔یہ ہدایات انہوں نے متعلقہ افسران و بھٹہ مالکان کے اجلاس کی صدارت کرتے ہوئے کہی۔اس موقع پر اے ڈی سی فنانس منظور احمد چانڈیہ موجودتھے۔ڈپٹی کمشنر نے کہا کہ تعلیمی ادارے و دیگر سرکاری دفاتر عوام کی امانت ہیں ۔اس میں ناقص منصوبہ بندی اور تعمیراتی میٹریل میں خیانت کرنے والوں کے خلاف سخت قانونی کارروائی عمل میں لائی جائے گی۔انہوں نے بھٹہ مالکان سے کہا کہ سرکاری تعمیراتی منصوبوں کے لیے فراہم کی جانے والی پختہ اینٹ کے معیار کو مزید بہتر بنایا جائے۔انہوں نے پختہ اینٹوں کے نرخوں کے تعین کے لیے اے ڈی سی فنانس منظور احمد چانڈیہ کی صدارت میں کمیٹی تشکیل دی۔ڈی سی نے اس امر کا نوٹس لیتے ہوئے کہا کہ پختہ اینٹیں تجزیہ کے لیے لیبارٹری بجھوائی گئی تھیں ان میں سے جو لیبارٹر ی سے مسترد شدہ رزلٹ آئے ہیں اُن اینٹو ں کے بھٹہ جات کا کنٹریکٹ منسوخ کر دیا جائے اور مالکان سے ازالہ وصول کیا جائے تاکہ سرکاری عمارات کی تعمیرمیں معیاری تعمیرائی میٹر یل کو یقینی بنایا جاسکے۔اجلا س میں لیبر آفیسر محمد طاہر گورچانی، ایکسین بلڈنگ محمد ارشد ،صدر بھٹہ یونین نور خان او ربھٹہ مالکان سجاد حسین ،مظہر حسین ،خضر حیات ،عبدالرازق ،اعجاز احمد،نصیر حسین خان،ابراہیم خان،محمد خلیل ،محمد یعقوب خان ،محمد شفیع،عادل حسین و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ (محمد صدیق پرہارسے) ڈپٹی ڈسٹرکٹ صحت آفیسر چوبارہ ڈاکٹر طاہر افتخار نے انسداد ملاوٹ مہم کے تحت اڈا جمال چھپری کے مختلف علاقوںمیں کریانہ ،سپرسٹور،ہوٹلزاور بیکریوں کا اچانک معائنہ کیا۔دوران معائنہ عبدالرحمان سویٹ اینڈ بیکرز پر غیر معیار ی اشیاے خورد نوش و صفائی کے ناقص انتظامات پائے گئے ۔جس پر ڈی ڈی او ایچ نے مضر صحت اشیاکو موقع پر تلف کروادیا۔جبکہ دیگر اشیاکے نمونہ جات حاصل کرکے تجزیہ کے لیے لیبارٹر ی بجھوائے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : سالانہ ترقیاتی پروگرام کے تحت جاری ترقیاتی منصوبوں کا جائزہ اجلاس 10فروری کو گیارہ بجے دن ڈی سی کے کمیٹی روم میں منعقد ہوگا ۔اجلاس کی صدارت ڈپٹی کمشنر واجد علی شا ہ کریں گے۔

Layyah

Layyah