کراچی کی خبریں 10/5/2016

Iran Ambassador & Counsilate

Iran Ambassador & Counsilate

کراچی (اسٹاف رپورٹر) سابق وزیراعظم یوسف رضا گیلانی کے صاحبزادے حیدر گیلانی کی افغانستان سے بازیابی پر یوسف رضا گیلانی ‘ ان کے اہلخانہ اورقوم کو مبارکباد پیش کرتے ہوئے محب وطن روشن پاکستان پارٹی کے قائد و چیئرمین امیر پٹی ‘ مرکزی صدر محمد سلیمان راجپوت اورانفارمیشن سیکریٹری عمران چنگیزی نے کہا ہے کہ حیدرگیلانی کی بازیابی یقینا سیکورٹی فورسز کا مستحسن اقدام ہے مگر ملتان سے اغوا ¿ ہونے والے حیدر گیلانی کی افغانستان کے صوبے غزنی تک منتقلی اور غزنی سے بازیابی یقینا فکرو تشویش کا باعث اور اس بات کا ثبوت ہے کہ اغواءکار اور ان کے معاون حکومت ‘ ریاست اور تمام سیکورٹی اداروں سے زیادہ مضبوط ‘ فعال اور منظم ہیں اور انہیں مقامی سطح پر مضبوط و طاقتور افراد کی سرپرستی بھی حاصل ہے ۔ ایم آر پی رہنماوں نے مزید کہا کہ ملک میں بڑھتی دہشتگردی و کرپشن ‘ پانامہ لیکس کے ہاتھوں ملک و قوم دشمنوں کی نقاب کشائی ‘ حیدرگیلانی اور شہباز تاثیر جیسی مقتدر شخصیات کا اغواءاور افغانستان منتقلی اس بات کی متقاضی ہے کہ آپریشن ضرب عضب کا دائرہ محض دہشتگردی تک محدود رکھنے کی بجائے کرپشن ‘ پانامہ لیکس سے بے نقاب ہونے والوں اور عوام کا استحصال کرنے والے سب ملک و قوم دشمنوں کیخلاف بھی آپریشن ضرب عضب کا دائرہ وسیع کیا جائے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ موجودہ حکومت نے 2013ءکا الیکشن لوڈشیڈنگ کے خاتمے کے دعوﺅں اور وعدوں پر جیتا مگر افسوس ایسا نہیں ہو سکااورتمام وعدوں کو انتخابی وعدے قرار دیکر بھلا دیا گیا تین برس گزر گئے۔ حکومت بے شماربجلی کے منصوبوں کے افتتاح کے باوجود بجلی کی پیداوار میں کوئی اضافہ نہ کر سکی اور لوڈشیڈنگ کا جن اسی طرح بے قابو ہے جس طرح زرداری دور حکومت میں تھاجس کی وجہ سے شدید گرمی میں شہروں میں 8 سے 10 ، اور دیہات میں 12 سے 18 گھنٹے کی لوڈشیڈنگ عام ہے جس کیخلاف لوگ سراپا احتجاج ہیںمگر نہ توکوئی عوام کی چیخ و پکار سننے والاہے اور نہ ہی غیرت و حمیت کا مظاہرہ کرتے ہوئے اپنے وعدوں کی پاسداری کسی کا وصف ہے سو پریشان حال عوام حکومتی رخصتی اور نئے انتخابات میں وعدوں فراموشوں کے احتساب کے منتظر ہیں اگر حکمران اس سے بچنا چاہتے ہیں تو ایفائے عہد کے ذریعے عوام کو ریلیف فراہم کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی (اسٹاف رپورٹر) حکومت کی جانب سے اصلاحات کے نام پر الیکشن کمیشن کے ارکان کی تقرری کیلئے ترامیم سے قبل آئین کے آرٹیکل62اور 63پر پورا نہ اترنے والوں اور غلط گوشوارے جمع کرانے والوں کو انتخاب لڑنے کی اجازت کے جرم میں سابق اراکین الیکشن کمیشن پر آرٹیکل6لگاکر ان کے کڑے احتساب کا مطالبہ کرتے ہوئے پاکستان راجونی اتحادد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگر رہنماوں نے کہا ہے کہ کرپشن ‘ اختیارات سے تجاوزاور طاقتور طبقات کا ساتھ دیتے ہوئے جانبداری کے ذریعے اسلام کے اصول مساوات و انصاف سے انحراف کی روایت کے خاتمہ خوف سزا سے ہی ہوسکتا ہے اسلئے اصلاحات سے قبل خطاواروں کو نشان عبرت بنانے سے ہی اصلاحات کی افادیت حاصل کی جاسکتی ہے بصورت دیگر سب کچھ سیاسی مفادات کے تحفظ کی سیاسی چال ہی کہلایا جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی (اسٹاف رپورٹر) پاکستان سولنگی اتحاد کی مجلس عاملہ ‘ مرکزی کابینہ اور سینٹرل ایگزیکٹیو کمیٹی کے اجلاس میں ضلعی سطح پر تنظیم سازی کی جلد تکمیل کی ضرورت پر زور دیتے ہوئے سینئر و بزرگ رہنما امیر سولنگی نے کہا کہ پانامہ لیکس کے ذریعے قومی سرمائے کی بیرون ملک منتقلی کے ذریعے ملک وقوم کونقصان پہنچانے کی سازش کرنے والے حکمرانوں‘ سیاستدانوں ‘ بیوروکریٹس اور سرمایہ داروں کے چہرے بے نقاب ہونے کے بعد مقتدر طبقہ حکمرانی کا اخلاقی جواز کھوچکا ہے اور اگر جلد حکمرانوں نے مستعفی ہوکر خود کو احتساب کیلئے پیش نہیں کیا تو ملک میں غیر روایتی تبدیلی ظہور پذیر ہوگی اور حکمران مستعفی ہوں یا تبدیلی غیر روایتی طریقے سے آئے 2107انتخابات کا سال ہوگا اور پاکستان سولنگی اتحاد آئندہ انتخابات میں بھرپور حصہ لیگا اسلئے ضروری ہے کہ سندھ کے27اضلاع سمیت پنجاب ‘ بلوچستان ‘خیبر پختونخواہ سمیت کشمیر اور گلگت بلتستان میں بھی ضلعی سطح پر تنظیم سازی مکمل کرکے جلد سے جلد ضلعی کابینہ تشکیل دی جائے۔ اجلاس میں سردار شبیر سولنگی ‘ سردار راحیل سولنگی ‘ سردار اکرم سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی ‘ ڈاکٹر قدیر سولنگی‘ ڈاکٹر وحید سولنگی ‘ اسرار احمد سولنگی ‘ اے ڈی سولنگی ‘ صالح سولنگی ‘ ایاز سولنگی‘ حاجی خان سولنگی ‘ عباس سولنگی ‘ ولی محمد سولنگی ‘ یوسف سولنگی ‘ خان سولنگی ‘ نور محمد سولنگی ‘ جمعہ خان سولنگی ‘ رحمت اللہ سولنگی ‘ نعمت اللہ سولنگی اور پاکستان کے تمام اضلاع کے نمائندگان و عہدیداران نے کی۔