لاہور (جیوڈیسک) ملک کے مختلف شہروں میں بوندا باندی سے خنکی میں اضافہ ہوگیا۔ لاہور میں بارش نے موسم سرد کردیا ، اسلام آباد ، گوجرانوالہ اور فیصل آباد میں اگلے دو دن بادل برسنے کا امکان ہے۔
ملک کے اکثر علاقوں میں شدید سردی کا راج ہے ۔ لاہور ، گوجرانوالہ اور فیصل آباد میں بوندا باندی سے خنکی میں اضافہ ہوگیا ، پنجاب کے میدانی علاقوں میں گہری دھند کا راج چھٹنے لگا ۔ کوئٹہ اور سبی میں اور گرد و نواح میں آسمان سے گرتی بوندوں نے ہر منظر بھگو دیا۔
آزاد کشمیر کے بالائی علاقوں میں برفباری اور ٹھنڈی ہوائیں چلنے سے سردی کی شدت بڑھ گئی ۔ برفباری کا سلسلہ 2 روز تک جاری رہنے کا امکان ہے ۔ اگلے دو روز کے دوران اسلام آباد ، راولپنڈی ، لاہور ، گوجرانوالہ ، فیصل آباد ، سرگودھا اور ساہیوال میں آج اور کل بادل برسنے اور پہاڑوں پر برفباری کا امکان ہے۔
ججوں کو دھمکیاں دے کر فیصلے نہیں لیے جا سکتے، ایاز صادق
کراچی : 500 کے وی لائن ٹرپ ہونے سے 90 فیصد علاقہ بجلی سے محروم