تحریر: عمران احمد راجپوت
تاریخ میں پہلی مرتبہ منعقد کئے جانے والے بلدیاتی انتخابات اسلام آباد کی عوام کے لئے نہ صرف ایک نئی راہ متعین کئے جانے کا موقع فراہم کرینگے بلکہ روایتی و شخصی سیاست کو ٹھوکر مارکر وفاقی مجسموں کی چولیں ہلاڈالیں گے یہ شاید کسی نے سوچا بھی نہ تھا۔ن لیگ کا تحریکِ انصاف کے ساتھ ٹکر کا مقابلہ اور انتخابی رزلٹ تین حصوں میں بٹ کر کسی ایک کو واضح برتری حاصل نہ ہونا ن لیگ کے لئے اِسی بات کی غمازی کرتا دکھائی دیتا ہے۔یہی وجہ ہے کہ تحریکِ انصاف سے چیئرمین کی صرف دونشستیںآگے ہونے پر میاں صاحب کو لندن سے ہی آزاد امیدواران کو فلفورپیغامِ الفت دینا پڑا کہ کہی آزاد نامی اِس دلربا کو کوئی اور ہی نہ لے اُڑے ۔
اب دیکھنا یہ ہے آزاد نامی یہ پنچھی کس کی آغوش میں آکر مقید ہونا پسند کرتے ہیں۔ وفاقی کی مین اسٹریم سمجھے جانے والی ملکی سطح کی دونوں جماعتیں پاکستان مسلم لیگ ن اور پاکستان پیپلز پارٹی جنھوں نے اِسی وفاق کے کاندھے پر اپنی سلطنتیں قائم کیں اور آج بھی اپنے دفاعی آستانوں میں اطمنان وسکون کے ساتھ بیٹھیںایک مدت پوری ہونے کی خواہش لئے گدی نشین ہے تودوسری مدت پوری ہونے کے انتظار میںگوشہ نشینی اختیار کئے ہوئے ہے۔
Media
دوسری جانب میڈیا کی طرف سے عوامی سطح پریہ باور کرانے کی بھرپور کوشش کی جارہی کہ یہ دو جماعتیں جو پچھلی چار دہائیوں سے باری باری اقتدار کے مزے لوٹتی آئی ہیں عوام میں اپنی مقبولیت کھو چکی ہیںلہذا عوام کو اب کسی نئی سیاسی قوت کی طرف دیکھنے کی ضرورت ہے لیکن ہماری عوام پی آئی اے کے سلوگن باکمال لوگ لاجواب سروس کی طرح پڑھے لکھے لوگ بے شعور عوام کا سلوگن اپنائے صُماً بُکماًکی پالیسی پر عمل پیراں ہیں۔
یہی وجہ ہے کہ یہ دونوں جماعتیں اطمینان سکون سے کچوے کی چلن اختیار کئے خوابِ خرگوش کے مزے لوٹ رہی ہیں۔ دونوں جماعتوں کی جانب سے اِس اطمینان بخش خاموشی کی وجہ یہ بھی ہے کہ انھیں پتا ہے کچھ کرنے کی ضرورت نہیں جب وقت آئیگااپنی پیٹاری سے نسخِہ خاص نکال کر کن فیکن کا ایسا منتر پھونکیںگے کہ عوام عرصوں پر محیط ماضی منٹوں میں بھلاکر مزید اگلے پانچ سالوں کے لئے اقتدار پلیٹ میں رکھ کر ہمیںسونپ دینگے۔ بس ایک کو بھٹو زندہ کرنے کی ضرورت ہوگی دوسرے کوآمریت کا رونا اور جمہوریت کا گانا گانا ہوگا باقیوںکو نئے صوبے بنانے کا نعرہ لگانا ہوگا۔
Journalists
جس کے بعد عوام مزید پانچ سال کیلئے قید ِبا مشقت کی سزا پاتے ہوئے انگریزوں کے زمانے کے لیڈروں کے ہاتھوں یرغمال بنے اپنی قسمت کو کوستے رہیں گے۔ اِس لئے میڈیا چاہے کچھ بھی کہتا رہے صحافی حضرات کہیں کا بھی زور لگالیں عوام کو کتنا ہی جگالیں وقت آنے پر یہ ڈگ ڈگی کی تھاپ اورجمہوریت کی دھن پر ایسا فوک گیت گائیں گے کہ اچھے خاصے پڑھے لکھے باشعور عوام مدہوش ہوکر رقص کرتے نظر آئینگے۔
ہربار کی طرح اِس باربھی سیاست کے پرانے پاپیوں نے عوام کے ساتھ ایسا ہاتھ کیا کہ عوام کو خبر تک نہ ہوئی جن علاقوںمیںدیکھاپارٹی کی کارکردگی درست نہیں عوامی سطح پر مقبولیت میں کمی واقع ہوئی ہے وہاں جماعتی بنیادوں پر نمائندے کھڑے کرنے کے بجائے آزاد پینل بنا کر امیدوار کھڑے کئے گئے تاکہ عوام مخالفت میں بھی ووٹ ڈالیں تو مخالف جماعت کے بجائے آزاد امیدوار کو ووٹ جائیں جنھیں بعد میں خزانے کا منہ دکھاکر اپنی طرف کھینچنا آسان ہوگا دیکھا جائے توکافی حدتک دونوں جماعتیںاِس میں کامیاب رہیں
Independent candidates
کیونکہ عوام نے تقریباً سب ہی سیاسی جماعتوں سے نالاں ہونے کے باعث اکثریت کے ساتھ آزاد امیدواران کو ووٹ دیا جو پورے پاکستان میںتیسری قوت بن کر ابھرے لیکن عوام یہ بھول گئے کہ یہ سب برسات کے وہ مینڈک ہیں جو بادل چھٹ جانے پر کسی نہ کسی میںضم ہوجائینگے۔ حالانکہ یہی آزاد امیدوار ملکی سطح پر اپنی ایک الگ پہچان بنانے کا عظم کرلیں تو پرانے کھلاڑیوں کے مقابلے میں ایک نئی قوت بن کر سامنے آسکتے ہیں اور ملک میں حقیقی جمہوریت کی بساط بچھا سکتے ہیں یہ تمام امیدوار نچلی سطح سے ابھرکر سامنے لائے گئے ہیں یہ چاہیںتو 2018 ء میں ہونے والے عام انتخابات تک خود کو ایک ایسی جماعت میں تبدیل کرسکتے ہیں جوملکی سطح پر مکمل میڈل کلاس طبقے کی جماعت کے طور پر پہچانی جائے۔
عوام نے اِس باربلدیاتی انتخابات میںسیاسی جماعتوں سے نفرت کا اظہار کرتے ہوئے آزاد امیدواران کو کامیاب بنا کر اپنے تئیںشعورِ آگاہی کا کچھ ثبوت تو دیا ہے لیکن دیکھنا یہ ہے کہ چُنے گئے یہ آزاد امیدواران اپنے شعور کو کس حد تک استعمال کرتے ہوئے عوامی امیدوں کو بر لاتے ہیں۔ لیکن فلحال ایسا بہت مشکل نظر آتا ہے کیونکہ قوی امکان ہے اِنھیں ایسے ارادوں سے روکنے کے لئے اِن کے منہ خزانوں سے بھر دئیے جائیں گے اور عوام ہربار کی طرح اِس بار بھی پانچ سال تک اپنے شعور کو کوستے رہیں گے۔
Imran Ahmed Rajput
تحریر: عمران احمد راجپوت
Email:alirajhhh@gmail.com
سود لینا اللہ اور رسول کے ساتھ جنگ ہے
دربارِ نظامی