ممبئی (جیوڈیسک) 2007 میں ریلیز ہونے والی شاہ رخ خان کی فلم اوم شانتی اوم سے بھارتی فلم انڈسٹری میں قدم رکھنے والی اداکارہ دیپکا پڈوکون کاشمار اس وقت بالی ووڈ کی مصروف ترین اداکاراؤں میں ہوتا ہے نے کہا ہے کہ وہ آج بھی اپنے کیریر کے سلسلہ میں شاہ رخ خان پر انحصار کرتی ہیں۔
بھارتی آن لائن خبررساں ادارے ڈی این اے کو ایک انٹرویو کے دوران دیپکا کا کہنا تھا کہ تین فلموں میں کنگ خان کے ساتھ کام کرچکی ہوں اور مجھے اس بات کا اعتراف کرنے میں کوئی عار محسوس نہیں ہوتاکہ یہ صرف ان ہی کی وجہ سے کامیاب ہوئی تھیں ۔میں ان کے ساتھ کام کرنے سے کبھی خوفزدہ نہیں ہوئی کیونکہ میں ان پر بہت زیادہ انحصار کرتی ہوں۔
اس کی وجہ بیان کرتے ہوئے اداکارہ کا مزید کہنا تھاکہ کچھ لوگوں کے ساتھ ایسے تعلقات ہوتے ہیں جن کی وجہ سے آپ ان پر بھروسہ کرتے ہیں کہ آپ کسی الجھن میں ہیں یا کسی مشکل کا سامنا کرناپڑ گیا ہے تو ہو آپ کو اس مشکل سے نجات دلانے کے لیے موجود ہوں گے اور شاہ رخ کو میں اپنے لیے ایسا ہی سمجھتی ہوں جو ہرآڑے وقت میں میرے کام آسکتے ہیں۔
دیپکا پڈوکون نے فرخ خان کی ہدایتکاری میں بنائی جانیوالی اپنی پہلی بالی ووڈ فلم اوم شانتی اوم میں شاہ رخ خان کے ساتھ کام کرنے کے بارے میں گفتگو کرتے ہوئے کہا کہ میں وہ موقع کبھی نہیں بھول سکتی جب فرخ خان مجھے پہلی مرتبہ ان سے ملانے کے لیے لے کرگئیں اور کہا کہ دیپکا یہ شاہ رخ خان ہیں اس فلم کے ہیرو۔
اس وقت شاہ رخ خان نے کہا تھا بے بی اگر تمہیں کسی بھی چیز کی ضروت ہوتو ہمیں بتانا ہم صرف ایک فون کال کی ہی دوری پر ہوں گے۔
بھارت میں پاکستانی فلموں کی نمائش روک دی گئی
سیم سمتھ نے فلم ”سپیکٹر” کے تھیم سانگ کی ریکارڈنگ مکمل کر لی