کراچی (اسٹاف رپورٹر) مہمند ایجنسی کی مسجد میں نماز جمعہ میں ہونے والے خود کش دھماکے کے شہداءکیلئے محب وطن روشن پاکستان پارٹی کی جانب سے منعقدہ فاتحہ خوانی و دعا ئیہ تقریب میںشہداءکی مغفرت و ایصال ثواب کیساتھ دہشتگردی سے نجات ‘ امن کے قیام ‘ استحکام و ترقی پاکستان‘ عوام کی ترقی و خوشحالی اور پائیداری جمہوریت کیلئے دعا کرتے ہوئے ایم آر پی سربراہ امیر علی پٹی والا نے کہا کہ پاکستان کا سب سے بڑا مسئلہ دہشتگردی ہے جبکہ یہ حقیقت بھی سامنے آچکی ہے کہ کرپشن کا سرمایہ دہشت گردوں کی سرپرستی میں استعمال ہورہا ہے لہٰذا کرپشن کا خاتمہ ملک و قوم کے محفوظ و پر امن مستقبل کیلئے انتہائی ضروری و لازم ہے مگر کرپشن کیخلاف اقدامات اور کرپشن میں ملوث تمام افراد کے یکساں احتساب سے انکار صرف دہشتگردوں کے سرپرستوں کی حوصلہ افزائی اور کرپٹ عناصر کو بچانے کی کوشش ہی نہیں بلکہ پاکستان اور جمہوریت کے مستقبل کیلئے بھی خطرناک ہے !
کراچی (اسٹاف رپورٹر) جونا گڑھ پاکستان کا آئینی حصہ ہے کیونکہ تقسیم برصغیر کے وقت جونا گڑھ کے حکمرانوں و عوام نے پاکستان سے الحاق کا اعلان کیا اوربانی و گورنر جنرل پاکستان نے قائد اعظم محمد علی جناح نے جونا گڑھ کے نواب مہابت خان کے ساتھ جونا گڑھ کے پاکستان سے الحاق کے معاہدے پر سائن کرکے جونا گڑھ کو پاکستان کے آئینی حصہ کی حیثیت دی یہی وجہ ہے کہ آئین پاکستان میں جونا گڑھ سے تعلق رکھنے والوں کیلئے خصوی مراعات و حقوق مختص کئے گئے ہیں مگر افسوس کہ سیاسی منافقت و بے حسی کے باعث قائد اعظم کی خواہش و معاہدے کے تحت جونا گڑھ کے پاکستان سے الحاق کو یقینی بنانے کیلئے کوئی سنجیدہ کوشش نہیں کی گئی اور پاکستان کا آئینی حصہ جونا گڑھ آج بھی بھارتی جبری تسلط کا شکار ہے جبکہ جونا گڑھ کے معاملے پر حکومتی بے حسی پوری پاکستانی قوم کیلئے شرم انگیزاور میڈیا کی خاموشی افسوسناک ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے یوم الحا ق جونا گڑھ کے موقع پر فرزند جونا گڑھ اقبال چاند اور خان آف بدھوڑہ یحییٰ خانجی تنولی کے ہمراہ پریس کانفرنس میں 15ستمبرکو یوم الحا ق جونا گڑھ اور 9نومبر کو یوم سقوط جونا گڑھ سرکاری سطح پر منانے کے ساتھ حکومت پاکستان سے مسئلہ کشمیر کی طرح مسئلہ جونا گڑھ کو بھی ترجیح دینے اور اس کے حل کیلئے عالمی برادری و اقوام متحدہ پر دباو ڈالنے کا مطالبہ کرتے ہوئے کہا کہ جونا گڑھ کے پاکستان سے الحاق اور جونا گڑھ کمیونٹی کے مسائل کے حل و آئینی حقوق کے حصول کیلئے کمیونٹی کا اتحاد اور منافقوں و مفاد پرستوں کے محاسبہ کا عزم و اظہار ضروری ہے کیونکہ جونا گڑھ اور اس سے تعلق رکھنے والی عوام کے نام پر مراعات و مفادات پانے والوں کی منافقت کے باعث جونا گڑھ سے تعلق رکھنے والے محب وطن پاکستانیوں پر مشتمل تمام برادریاں آج تک اپنے آئینی حقوق سے محروم ہیں!
کراچی (اسٹاف رپورٹر) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ کرپشن و کمیشن کی لعنت اور کرپشن کیخلاف شفاف احتساب سے حکمرانوں کا انکار قوم کے ہر فرد کی زندگی کیلئے خطرہ بن چکا ہے کیونکہ کرپشن نے نہ صرف عوام سے بنیادی سہولیات اور خوشحال زندگی گزارنے کا حق چھین لیا ہے بلکہ یہ قومی خود مختاری و سلامتی کیلئے بھی خطرہ بن چکی ہے اسلئے کرپشن کا خاتمہ اور ہر ایک کا شفاف و غیر جانبدارانہ احتساب ناگزیر ہوچکا ہے اور اگر حکمران احتساب کی راہ میں رکاوٹیں کھڑی کررہے ہیں تو پھر ان کے قبلے کی درستگی عدلیہ کا کام ہے اور عدلیہ کی ذمہ داری کی ادائیگی کیلئے ماحول یقینی و سازگار بنانا محافظان پاکستان کا فریضہ ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی‘ سولنگی اتحاد کے سینئر رہنماوں وعمائدین معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی اور انچارج میڈیا سیل نعمت اللہ سولنگی ودیگر نے کشمیر میں جاری بھارتی مظالم کی مذمت کرتے ہوئے کہا کہ بھارتی مظالم پر خاموشی عالمی قوتوں کے بے حسی اور بھارت نوازی کے ذریعے دنیا سے اسلام کو مٹانے کی سازشوں کی دلیل ہے اور مسئلہ کشمیر پر اقوام متحدہ کی خاموشی و طاقتور قوتوں کی خاموشی اس بات کی دلیل ہے کہ اقوام متحدہ اسرائیلی وامریکی مفادات کی نگہبان اور سامراج کی گماشتہ ہے اسلئے اقوام متحدہ سے نجات پائے بغیر نہ تو دنیا سے دہشتگردی کا خاتمہ ممکن ہے اور نہ ہی مظلوم اقوام کو طاقتور سامراجی ممالک کے مظالم سے محفوظ بنایا جاسکتا ہے
ختم نبوت کی تحریک سیدنا صدیق اکبر رضی اللہ عنہ کے زمانے سے شروع ہوئی ہے
جامعہ کراچی اس وقت الہاد اور قادیانیت کا مرکز بنی ہوئی ہے