ڈیرہ اسماعیل خان (بیورورپورٹ) دو روز سے محلہ جمعہ شاہ کا بجلی کا ٹرانسفارمر خراب ہونے پر اہل علاقہ جلوس کی صورت میں بازار نکل آئے اور شہر کے وسط چوگلیہ پر ٹائر جلا کر واپڈا کے خلاف زبردست نعرہ بازی ،پولیس کی یقین دہانی پر احتجاج ختم کردیا گیا ۔ تفصیلات کے مطابق ڈیرہ شہر کے محلہ جمعہ شاہ کو بجلی سپلائی کرنے والا 100کے وی کا ٹرانسفارمر دو روز سے خراب ہونے پر اہل محلہ سراپا احتجاج بن گئے ۔ اہل علاقہ نے محلہ جمعہ شاہ سے باکھری بازار اور پھر چوگلیہ تک احتجاجی جلوس نکلا جلوس کے دوران شرکاء نے واپڈا کے خلاف زبردست نعرہ بازی کی چوگلیہ کے مقام پر مشتعل افراد نے ٹائر جلا کر شہر کے چاروں بازاروں کو جانے والے راستوں کو بند کردیا ۔مقررین نے کہا کہ واپڈا نے جہاں لوڈشیڈنگ کا عذاب عوام پر نازل کررکھا ہے ۔ تو وہاں پر بجلی کا ٹرانسفارمر دو روز سے خراب ہے جس سے روز ے داروں کو سخت تکلیف کا سامنا ہے گھروں میں پانی ختم ہے نمازیوں کو وضو کے لئے بھی پانی دستیاب نہیں اگر ہمارے علاقے کا ٹرانسفارمر فوری طور پر ٹھیک نہ کیا گیا تو واپڈا دفاتر کا گھیرائو کریں گے ۔ اور حالات کی خرابی ذمہ داری واپڈا پر عائد ہوگی ۔بعدازاں پولیس کی یقین دہانی کے بعد مشتعل افراد نے اپنا احتجا ج ختم کردیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) درازندہ موڑ پر گیس سلنڈر پھٹنے سے دوکان پر کام کرنے والے تین بچے زخمی ہوگئے ۔ درابن ہسپتال منتقل ۔تفصیلات کے مطابق درازندہ موڑ پر ایک دوکان میں گیس سلنڈر کا زور دار دھماکہ ہوا،دھماکے کی آوازدور دور تک سنی گئی ۔ دھماکے سے دکان میں کام کرنے والے تین مزدور بچے زخمی ہوگئے ۔ جن کو فوری طور پر درابن ہسپتال منتقل کردیا گیا ۔ جہاں ان کی حالت خطرے سے باہر بتائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)کروڑوں روپے کی لاگت سے تعمیر ہونے والے کشمیر چوک سے نیو بنوں چونگی روڈ کے کنارے پڑ ی مٹی اور روڈ کنارے نکاسی آب کے نالے گند سے بند ہونے سے تعمیر ہونے والا روڈ دوبارہ ٹوٹنے کا اندیشہ ،روڈ کنارے پڑی مٹی کو فوراً اٹھانے اور نکاسی آب کے نالے صاف کرنے کا عوامی مطالبہ۔تفصیلات کے مطابق پی ٹی آئی کی خیبر پختونخواہ حکومت کی طر ف سے کروڑوں روپے کی لا گت سے تعمیر ہونے والے کشمیر چوک سے نیو بنوں چونگی روڈ کے کنارے سی اینڈ ڈبلیو کے ٹھیکیدار نے پڑی مٹی کو نہیں اٹھایا کیونکہ روڈ کی نکاسی کا پانی روڈ کنارے موجود نکاسی آب کے نالوں میں جاتا ہے ۔ مٹی کی موجودگی کی وجہ سے نکاسی کا پانی سٹرک پر ہی کھڑا ہوگا جس سے سڑک کو شدید نقصان ہوگا ۔اور سڑک دوبارہ تعمیر ہونے کے ساتھ ہی ٹوٹ پھوٹ کا شکار ہوجائیگا ۔ اسطرح ٹی ایم اے کی طرف سے اس تعمیر ہونے والے نئے روڈ کے کنارے موجود نکاسی آب کے دونوں مین نالے گند سے اٹے پڑے ہیں ۔ ان نکاسی آب کے نالوں کاپانی بھی سڑک پر جمع ہوجائیگا ۔ جس سے واضح طور پر سڑک کو نقصان ہوگا ۔ محکمہ موسمیات کے مطابق اس سال مون سون کی بارشیں 20فیصد زیادہ ہوگئی ۔ عوامی اور تجارتی حلقوں نے ڈپٹی کمشنر ڈیرہ نثار احمد اور وزیر ما ل خیبر پختونخواہ سردار علی امین خان گنڈہ پور سے مطالبہ کیا ہے کہ ٹھیکیدار کے ذریعے سڑک کے کنارے پڑی مٹی کو اٹھوایا جائے اور نکاسی آب کے نالوں کی مکمل صفائی کروائی جائے ۔ تاکہ سرکاری خزانے کو دوبارہ نقصان نہ پہنچ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)کینٹ پولیس نے امرجنسی وارڈ کے ڈاکٹر کی رپورٹ پر مریض کے دو بیٹوں کی طرف سے اینٹ اور مکوں سے حملہ کرنے کے واقعہ کا مقدمہ درج کرلیا ۔ تفصیلات کے مطابق ڈسٹرکٹ ہیڈ کوارٹر ٹیچنگ ہسپتال کے امرجنسی وارڈ میں ایک مریض کو لایا گیا ۔ اس مریض کے ساتھ اس کے دو بیٹے تھے ۔ دوران علاج ڈاکٹر اور مریض کے بیٹوں میں تو تو میں میں ہوئی ڈاکٹر نے تھانہ کینٹ میں مریض کے دو بیٹوں کے خلاف اس واقعہ کا مقدمہ درج کردیا ہے ۔رپورٹ میں کہا ہے کہ مریض کے بیٹوں نے اس پر اینٹ اور مکوں سے حملہ کیا ہے ۔ دوسری طرف مریض کے بیٹوں نے اس واقعہ سے لاتعلقی کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) پاکستان مسلم لیگ(ن)کے ضلعی جنرل سیکرٹری چوہدری ریاض ایڈووکیٹ عمرہ کی سعادت حاصل کرنے کیلئے آج روانہ ہونگے’دوست احباب اوررشتہ دارانکونیک تمنائوںاوردعائوںکیساتھ رخصت کرینگے۔تفصیلات کے مطابق پاکستان مسلم لیگ(ن)کے ضلعی جنرل سیکرٹری چوہدری ریاض ایڈووکیٹ آج13جون بروزسومواربعدازنمازمغرب عمرہ کی سعادت حاصل کرنے کیلئے سعودی عرب کیلئے روانہ ہونگے۔روانگی سے قبل انکودوست احباب اوررشتہ دارنیک تمنائوںاوردعائوںکیساتھ رخصت کرینگے۔اس موقع پرچوہدری ریاض ایڈووکیٹ کاکہناتھاکہ دعاہے کہ اللہ تعالیٰ تمام مسلمانوںکی عبادات کواپنی بارگاہ رحمت میںقبول فرمائے اور تمام مسلمانوںکوعمرہ اورحج کی سعادت حاصل کرنے کی توفیق عطافرمائے۔آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)قتل کیس کے سلسلے میں عدالت پیشی کے بعدکچہری روڈ پر فوٹو سٹیٹ کیلئے جانیوالے نوجوان آصف کنیرا کا موٹرسائیکل پر سوار تین مسلح افراد نے فائرنگ کرکے قتل کردیا ۔واقعہ کی اطلاع پر ایس ایچ او کینٹ محمد عدنان پولیس نفری کے ہمراہ موقع پر پہنچ گئے ۔ تفصیلات کے مطابق تھانہ کینٹ کی حدود میں آصف ولد مشتاق قوم کنیرا سکنہ بڈھ سیشن کورٹ کی عدالت اپنے بھائی اکرام کنیرا کے قتل کیس کے سلسلے میں پیشی کے بعد فوٹو سٹیٹ کیلئے کچہری روڈ پر نکلا اس دوران ان کے تین مخالفین جو موٹرسائیکل پر سوار تھے ۔ اس پر فائرنگ کردی جس سے وہ موقع پر جاں بحق ہوگیا ۔ ملزمان فائرنگ کے بعد موقع سے فرار ہوگئے ۔ واقع کی اطلاع پرریسکیو 1122نے 24سالہ آصف کنیرا کو موقع سے 1122کی ایمبولینس میں ڈی ایچ کیو ہسپتال پہنچایا اسطرح ایس ایچ او کینٹ محمد عدنان پولیس نفری کے ہمراہ موقع پر پہنچے اور اس واقعہ کی تفتیش شروع کردی ۔ذرائع کے مطابق دو سال قبل آصف کنیرا کے بھائی اکرام کو قتل کیا گیا جس کی دعویداری دو فریقوں پر کی گئی تھی گذشتہ روز اکرام قتل کیس کے ایک فریق کے ساتھ مقتول پارٹی کی صلح ہونا تھی ۔ لیکن اس دوران اکرام قتل کیس کے دوسرے فریق نے موقع پر پہنچ کر اکرام کنیرا کے دوسرے بھائی آصف کنیرا کو فائرنگ کرکے قتل کردیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)18گھنٹے کی ظالمانہ لوڈشیڈنگ کے خلاف مشتعل افراد نے پروآ میں روڈ بلاک کردیا۔واپڈا کے خلاف زبردست نعرہ بازی ،تحصیل ناظم سردار امتیاز بلوچ کی قیادت میں واپڈا اور معززین علاقہ کے درمیان مذاکرات ۔تفصیلات کے مطابق پیسکو واپڈا کی طرف سے تحصیل پروآ میں 18گھنٹے کی ظالمانہ لوڈشیڈنگ کے خلاف سینکڑوں مشتعل افراد سڑکوں پر نکل آئے اور انہوں نے پروآ میں روڈ بلاک کرکے واپڈا کے خلاف زبردست نعرہ بازی کی اس دوران گاڑیوں کی لمبی لمبی قطاریں لگ گئیں ۔ اس دوران ذرائع کے مطابق تحصیل ناظم پروآ سردار امتیاز بلوچ کی قیادت میں واپڈا افسران اور معززین علاقہ کے درمیان مذاکرات شروع کیے گئے ۔ جو ذرائع کے مطابق اجلاس آخری اطلاعات تک جاری تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)انسپکٹر جنرل آف پولیس خیبر پختونخواہ ناصر درانی کی خصوصی دلچسپی اور توجہ کی وجہ سے خیبر پختونخواہ پولیس نے جدید اقدامات کرکے تھانہ کلچر میں تبدیلی لارہی ہے ۔ پولیس کلچر کی بہتری اور انفارمیشن ٹیکنالوجی کے استعمال کے حوالے سے ڈی پی او ڈیرہ یاسر آفریدی کی ہدایت پر ڈی ایس پی سٹی سرکلر حاجی ارباب خان مروت نے تھانہ کینٹ پولیس کی عمارت میں تھانہ سٹی و کینٹ پولیس کے ایس ایچ او ز و دیگر عملہ کے ساتھ میٹنگ کی ۔ انہوں نے یکم جون کو آئی جی پی ناصر درانی ، 6جون کو آر پی او ڈیرہ شیر اکبر خان کی سرکلر ایس ڈی پی اوز بریفنگ اور اسی طرح ڈی پی او ڈیرہ یاسر آفریدی کی ضلع بھر کے سرکلر ایس ڈی پی او ،ایس ایچ او محرر تھانہ جات کے ساتھ ہونے والی میٹنگ بابت تفصیلاًلیکچر دیا ۔ ڈی ایس پی حاجی ارباب خان مروت نے کہا کہ کے پی کے پولیس نے پولیسنگ کو عوام اورمحکمہ کیلئے آسان رابطہ کیلئے کئے جانیو الے اقدامات میں تھانہ کلچر تبدیلی ،عمارت کو صاف ستھرا ،ماحول خوشگواراورعملہ کو نہایت بااخلاق بنانے پر تیز ی سے عملی کام کیا جارہا ہے تاکہ اچھے ماحول میں عوام کے مسائل سنے جائیں اور موقع پر حل کئے جائیں ۔ جبکہ دیگر اقدامات میں ایف آئی آر کا اندراج ہاٹ سپاٹ پولیسنگ، اسسٹنٹ انفارمیشن سسٹم (ٹی آئی ایس )،سرویلس آف مجرم (CiAPICXET) ,سیکورٹی پولیس کلیرنس ، وہیکل ویری فیکشن )وی وی ایس ,(شناختی ویری فکیشن (IVS), کریمینل ریکارڈ ویر ی فیکشن (LRV) ,پولیس ایکس سروس (PAS), پولیس اسسٹنٹ لائسنز (PAL). ایس او ایس الرٹ سروس ، ٹریفک اپ ڈیٹ، پولیس آفیشنل ویب سائنس پولیس آفیشنل فیس بک پیج شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)علاقہ لاڑ میں چوہے مار دوائی کھاکر ایک شخص نے خودکشی کرلی ۔ تفصیلات کے مطابق علاقہ لاڑ میں خادم حسین نامی دوکاندار نے گھریلو تنازعے پر چوہے مار دوائی کھاکر خودکشی کرلی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل کان (بیورورپورٹ) پہاڑپور کے سیم نالے میں بچوں کے نہانے کے تنازعے پر بڑے کود پڑے ،دونوں طرف سے ڈنڈوں اور کلہاڑیوں کے وار سے دس افراد زخمی ہوگئے ۔ تفصیلات کے مطابق تھانہ پہاڑپور کی حدود میں سیم نالہ میں بچوں کے نہانے کے تنازعے پر بڑے کود پڑے ڈنڈوں اور کلہاڑیوں کے وار سے دونوں اطراف سے دس افراد زخمی ہوگئے ۔ جن کو فوری طور پر سول ہسپتال پہاڑ پور داخل کرادیا گیا ہے ۔ پہاڑپورپویس نے دونوں فریقوں کے چھ چھ افراد کے خلاف مقدمات درج کرلئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) اعون آباد میں کرایہ کے مکان میں رہائش پذیر گل دراز خان ولد گل نواز خان قوم مروت دس ماہ سے گردے کے مرض میں مبتلا ہے اسکے تین بچے ہیں ۔جن میں ایک سات سالہ بیٹا ،نوسالہ بیٹنی اورا یک چھوٹی بچی شامل ہیں ۔غریب گل دراز خان علاقہ وانڈہ موچیانوالہ میں تندور پر کام کرتا ہے اور اس سے اپنے خاندان کا پیٹ پالتا ہے گردے کے مرض کی وجہ سے غریب گل دراز خان تندور پرکام بھی نہیں کرسکتا جس سے گھر میں فاقے ہیں ۔ گردے کے مرض میں مبتلا ہونے کی وجہ سے غریب گل دراز پشاور میں ڈاکٹر اختر علی سے علاج کروارہا ہے ۔ گردے کے مرض کا خرچہ انتہائی زیادہ ہے ۔ علاقے کے لوگ اسکی امداد کررہے ہیں لیکن اسکے باوجود بھی گھر کا خرچ اورعلاج کاخرچہ اس سے کئی گنا زیادہ ہے ۔ غریب گل درازخان نے چیئر مین بیت المال پاکستان ،وزیراعظم پاکستان میاں نواز شریف اور وزیراعلی پنجاب شہباز شریف سے اپیل کی ہے کہ اسکے علاج معالجے کیلئے بہتر سے بہتر سہولیات فراہم کی جائیں تاکہ وہ اپنے بچوں اور خاندان کا پیٹ پال سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)انجمن آرائیان تنظیم کا قیام تین وجوہات کو مدنظر رکھ کر بنایا گیا کہ وہ لوگ جو غریب ہونے کے باوجود کسی کے سامنے ہاتھ نہیں پھیلاسکتے دراصل وہی لوگ امداد کے حق دار ہیں ۔ جب کہ شعبہ تعلیم اور بے روز گاری کے خاتمے میں آرائیں برادرای کو اکھٹا کرکے ان کے مسائل حل کرنا ہیں ۔ ان خیالات کا اظہار انجمن آرائیان تنظیم کے مرکزی نائب صدر دوئم و ضلعی جنرل سیکرٹری حاجی خلیل احمد جان نے اپنی رہائش گاہ گیلانی ٹائون کے سبززار میں آغوش ہومز کے بچوں، معززین علاقہ اور آرائیں برادری کی بڑی تعداد کے ا عزاز میں دئیے گئے ۔ افطاری ڈنر کے موقع پر خطاب کرتے ہوئے کیا ۔ اس موقع پر ان کے ہمراہ نائب صدر اول خالد مسعود،جنرل سیکرٹری اسلم بشیر ،فنانس سیکرٹری طارق بن حبیب ،نائب صدرعظمت اللہ ،رابطہ سیکرٹری بصیر احمد ،پریس سیکرٹری احسن اقبال ،جوائنٹ سیکرٹری،عمر آفتاب اور ملک محمد اقبال آرائیں موجود تھے ۔ انہوں نے مزید کہا ہے کہ ہماری کسی سیاسی جماعت سے کوئی مخالفت نہیں ہر اس جماعت کا ساتھ دیں گے ۔ جو ڈیرہ اسماعیل خان کی ترقی میں کردار ادا کرے گی ۔ ہمارے پاس نوجوانوں کی ایک بڑی تعداد موجود ہے ۔ جو ملک و قوم کی خدمت کرنے کی بھرپور صلاحیت رکھتی ہے ۔ اور ایسے نوجوان طالب علم جو اپنی علمی میدان میں مہارت رکھنے کے باوجودتعلیمی اخراجات برداشت نہیں کرسکتے اور تعلیم سے محروم ہیں ۔ ان کو اعلی تعلیم کے لئے دیگر شہروں میں مفت تعلیم کی سہولت میسر کررہے ہیں ۔ انہوں نے کہا کہ عرصہ بیس سال سے ملک محمد سعیدا رائیں کی صدارت میں رجسٹر ڈانجمن آرائیان کام کررہی ہے ۔ جن کی مدد سے ڈیرہ اسماعیل خان اور ٹانک میں درجنوں سیلائی مشینیں ہنر مند خواتین کو آسان روز گار کی فراہمی کیلئے دی جاچکی ہیں ۔ اور آئندہ بھی یہ سلسلہ جاری رہے گا۔
امریکہ پاکستان سے مطالبہ کرتا ہے کہ پٹھانکوٹ حملوں میں ملوث عناصر کیخلاف کارراوئی کرے، پرویز اقبال
لیڈی ہیلتھ ورکر کو بلیک میلنگ کا مرکزی ملزم الانو میگھواڑ بدین پولیس کے ہاتھوں گرفتار