ڈیرہ اسماعیل خان کی خبریں 16/9/2016

Dera Ismail Khan

Dera Ismail Khan

ڈیرہ اسماعیل خان (بیورورپورٹ) ایس ایچ او پہاڑ پور عابد اقبال نے دوران چیکنگ قبرستان موڑ کے قریب موٹر سائیکل سوار سے دو کلوسے زائد اعلی کوالٹی کی چرس برآمد کرلی ۔تفصیلات کے مطابق ڈی پی او یاسر آفریدی کی ہدایت پر ایس ایچ او پہاڑ پور عابد اقبال نے پولیس نفری کے ہمراہ چیکنگ کے دوران ایک موٹرسائیکل سوار پرویز سلیم ولد عبدالعزیز سکنہ رنگپور کو روکا موٹرسائیکل کے ہینڈل کے ساتھ بندھے لفافے سے 2020گرام چرس برآمد کرلی ۔پولیس نے ملزم کو گرفتار کرکے اس کے خلاف مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) ڈی پی او لیفٹینٹ کمانڈر (ر)یاسر آفریدی نے کہا ہے کہ عید الالضحیٰ کے حوالے سے پولیس کے موثر اقدامات کی وجہ سے سیکورٹی خدشات کے باوجود علاقے میں امن قائم رہا ۔وزارت داخلہ کی ہدایت کے مطابق کلعدم تنظمیوں کی طرف سے جانوروں کی کھالیں اکھٹی کرنے اور کھالوں کے چیھنے پر پابندی لگائی گئی اس قسم کا کوئی واقعہ علاقے میں رونما نہیں ہوا ۔ ان خیالات کا اظہار انہوں نے اپنے دفتر میں میڈیا کے نمائندوں سے گفتگو کے دوران کیا اس موقع پر ایس پی آیف آر پی حمید اللہ بجلی اور ایس ایچ او کینٹ محمد نواز موجود تھے ۔ ڈی پی او یاسر آفریدی نے بتایا کہ نماز عید کے موقع پر پولیس کے جوانوں نے مستعدی سے اپنی ڈیوٹیاں سر انجام دیں نماز عید کے موقع پر لوگوں کی حفاظت کیلئے پولیس کی خصوصی نفریاں تعینات کی گئیں ۔انہوں نے کہاکہ پولیس کے جوان اپنی جانوں کے نذرانے پیش کرکے بھی عوام کی جان و مال کی حفاظت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)تحصیل میونسپل ایڈمنسٹریشن کے عملہ صفائی کی نا اہلی نے عیدالالضحیٰ کی خوشیاں پھیکی کرکے رکھ دی ،شہر ،مریالی ،توصیف آباد،ڈیال روڈ ، خیر آباد کالونی سمیت دیگر علاقوں میں جانوروں کی الائیشیں نہ اٹھانے کی وجہ سے ہرطرف بدبو اور گندگی ہی گندگی کے ڈھیر ،ٹی ایم اے کے عملہ صفائی نے ڈپٹی کمشنر کو صفائی کے حوالے سے دیئے گئے پلان پر ٹھینگا دیکھا دیا۔تفصیلات کے مطابق تحصیل میونسپل ایڈمنسٹریشن کے عملہ صفائی کے انچارج تنویر اور عبدالرحمن سدوزئی کی طرف سے عیدالالضحیٰ کے موقع پر صفائی اور الائیشیں اٹھانے کے حوالے سے ایک پلان ڈپٹی کمشنر ڈیرہ کو بھجوایا لیکن عید کے تینوں روز ڈیرہ شہر ،مریالی ،توصیف آباد، ڈیال روڈ ، خیر آباد کالونی سمیت دیگر علاقوں میں صفائی کا فقدان رہا جانوروں کی الائیشیں گلیاں اور سٹرکوں میں پڑی رہ گئیں جس کی وجہ سے لوگوں کی عید خراب ہوگئی ۔ الائیشیں اور گندگی کی وجہ سے ہرطرف بدبو ہی بدبو پھیلی رہی بعض علاقوں میں آخری اطلاعات تک صفائی کا عمل شروع تک نہیں ہوسکا ،ڈیال روڈ کی نکاسی کے دونوں نالے بند ہونے سے نکاسی کا پانی ہرطرف جمع ہوگیا ۔ جس کی وجہ سے لوگ ایک دوسرے کو عید نہیں مل سکے اور نہ ہی اپنا قربانی کا گوشت تقسیم کرسکے ۔گندگی اور الایشیوں کی وجہ سے مختلف علاقوں میں بیماریاں پھیلنے کا اندیشہ ہے ۔اہلیان علاقہ نے ڈپٹی کمشنر ڈیرہ معتصم بااللہ شاہ اور وزیر مال خیبر پختونخواہ سردار علی امین خان گنڈہ پور سے مطالبہ کیا ہے کہ صفائی کے عمل کو فلفور مکمل کیا جائے اور عملہ صفائی کے نا اہل اور کرپٹ اہلکاروں تنویر اور عبدالرحمن سدوزئی کے خلاف فلفور محکمانہ انکوائری اور کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) مارگلہ کیبل نیٹ ورک کی طرف سے صارفین کو عید الالضحیٰ کے حوالے سے تفریحی پروگرام پیش نہ ہوسکے ،صارفین نے مارگلہ کیبل نیٹ ورک کے خلاف بائیکاٹ کا اعلان کردیا ۔تفصیلات کے مطابق مارگلہ کیبل نیٹ ورک نے اپنے صارفین سے عیدالالضحیٰ کے حوالے سے ہاتھ کھیل لیا۔عید کی خوشیوں کا دوبالا کرنے کے حوالے سے مارگلہ کیبل نیٹ ورک کی طرف سے کوئی خاص تفریحی پروگرام پیش نہ ہوسکے جس کی وجہ سے صارفین کو سخت مایوسی کا سامنا کرنا پڑا۔ صارفین نے تفریحی پروگرام پیش نہ کرنے پر مارگلہ کیبل نیٹ ورک کے خلاف سخت احتجاج کرتے ہوئے مارگلہ کے بائیکاٹ کا اعلان کردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ)نواب پولیس نے رحمانی خیل میں اشتہاری ملزم کو پناہ دینے پر ایک شخص کو گرفتار کرکے اس سے اسلحہ برآمد کرلیا ،مقدمہ درج ۔تفصیلات کے مطابق نواب پولیس نے پولیس کو مختلف مقدمات میں مطلوب اشتہاری ملزم عبدالسبور کو پناہ دینے پر عبدالحکیم ولد دوران سکنہ رحمانی خیل کو گرفتار کرکے اس سے ایک پستول تیس بور اور پانچ کارتوس برآمد کرلیے پولیس نے گرفتار ملزم کے خلاف 216/15AAppcکے تحت مقدمہ دجر کرلیا۔