لاڑکانہ (جیوڈیسک) سابق صدر اور پیپلز پارٹی کے شریک چیئرمین آصف علی زرداری نے کہا ہے کہ شہید بے نظیر بھٹو کے قتل میں ملوث تمام افراد ہلاک ہو چکے ہیں، انھوں نے ریٹائرڈ جنرل پرویزمشرف کا نام لیے بغیرکہا کہ ایک تم اب تک زندہ ہو، شہید بے نظیر بھٹو نے اپنی زندگی میں ہی تمہیں اپنا قاتل قرار دے دیا تھا۔
یہ بات انھوں نے شہید بینظیر بھٹو کے62 ویں یوم پیدائش کے موقع پر نو ڈیرو ہاؤس میں منعقدہ افطار ڈنر اور سالگرہ کاکیک کاٹنے کی تقریب کے شرکا سے خطاب کرتے ہوئے کہی۔آصف زرداری نے کہاکہ شہید ذوالفقار بھٹو نے ملک کوایٹمی طاقت بنایا جبکہ شہیدبے نظیر بھٹو نے میزائل ٹیکنالوجی کوپاکستان میں متعارف کر وا کر اسے تقویت دلوائی۔
شہید بے نظیر بھٹو ذوالفقار علی بھٹوکی شاگرد تھیں اورانھیں سے تعلیم حاصل کرکے انھوں نے ملک اورعوام کی خدمت کی۔انھوں نے کہاکہ میں اور میرے بچے بھی عوامی طاقت کے بل بوتے پرہی عوام کے درمیان موجودہیں، پیپلز پارٹی کے چیئرمین بلاول بھٹو زرداری خودمختار ہیں وہ الیکشن میں حصہ لیںگے اوریہ بھی ان کی صوابدیدہے کہ وہ پاکستان کے کس حلقے سے انتخابات میں حصہ لیںگے۔
آئی این پی کے مطابق آصف علی زر داری نے کہا ہے کہ بینظیر قتل کیس میں ایک سابق جنرل پر ایف آئی آرہے اورجنرل کے شریک ملزمان پربھی مقدمہ چل رہاہے،کوئی کتنابھی دباؤڈالے ہم ایف آئی آر واپس نہیں لے سکتے، ایف آئی آرنہ میں نے لکھوائی نہ کسی اور نے یہ بینظیر نے خود لکھوائی ہے،جھگڑے اورمسئلے اس قسم کے ہیں لوگوں کو دکھایاکچھ اور جارہا ہے، محترمہ کوشہید کرنے والے تمام افراداپنے انجام کوپہنچ گئے۔
صرف ایک باقی ہے، کسی کو فکرکرنے کی ضرورت نہیں، بینظیر کے بچے اور عوام میرے ساتھ کھڑے ہیں،بے نظیر بھٹو نے مرنے سے قبل لکھوایاتھا کہ اگر مجھے کچھ ہوا تو اس کا ذمے دارمشرف ہوگا۔ انھوں نے کہاکہ میرے خلاف باتیں کی جاتی ہیں کہ میں فوج کیخلاف بیان دیتاہوں،میرے بیان کا تعلق اس سابق جنرل سے ہے جس کیخلاف بینظیر بھٹو شہید نے اپنی موت سے پہلے قتل کی ایف آئی آر درج کروائی لیکن یہ کچھ اور طریقے سے پیش کیاگیا۔
بعدازاں آصف زرداری،بلاول بھٹو زرداری، بختاور، فریال تالپور، وزیر اعلیٰ سندھ، وزیر اعظم آزادکشمیر چوہدری عبدالمجید و دیگر نے شہید بے نظیر بھٹو کی 62 ویں سالگرہ کاکیک کاٹا۔ دوسری جانب شہیدبے نظیر بھٹو کی سالگرہ تقریب میں مدعو کیے گئے پیپلزپارٹی کے رہنماؤں اورکارکنوں کی بڑی تعدادشام 5 بجے نو ڈیرو بھٹو ہاؤس کے دروازے بندکردیے جانے کے بعد تقریب میں شریک نہ ہوسکی جن میں سے کئی جیالوں۔
کارکنوں کی جانب سے سالگرہ تقریب میں شرکت کیلیے زبردستی اند ر جانے کی ضدپران پر پولیس اورنو ڈیرو ہاؤس کے سیکیورٹی گارڈز کی جانب سے لاٹھی چارج بھی کیاگیاجس سے تقریب میں بدمزگی بھی ہوئی۔
خدمت خلق ہمارا نصب العین ہے، محمود بشیر ورک
لاہور: نامعلوم موٹر سائیکل سواروں کی فائرنگ سے ایک شخص جاں بحق