نئی دہلی (جیوڈیسک) مہندرا سنگھ دھونی بھارتی ون ڈے اور ٹی ٹوئنٹی ٹیموں کی قیادت سے دستبردار ہو گئے ہیں۔
انہوں نے یہ فیصلہ اپنی بیٹنگ پر زیادہ توجہ دینے کیلیے کیا، ویرات کوہلی کی زیرقیادت بھارتی ٹیسٹ سائیڈ مسلسل عمدہ کھیل پیش کر رہی ہے، ایسے میں بعض حلقے انھیں دیگر فارمیٹس میں بھی کپتان بنانے کا مطالبہ کر رہے تھے، دھونی نے نوشتہ دیوار پڑھتے ہوئے از خود قیادت چھوڑ دی۔
جنوری میں انگلینڈ سے ہوم سیریز کے دوران دھونی بطور وکٹ کیپر بیٹسمین ٹیم کو دستیاب ہوں گے، اسکواڈ کا اعلان 6 جنوری کو کیا جائے گا۔ دریں اثنا بھارتی بورڈ نے بطور کپتان خدمات پر دھونی کو خراج تحسین ادا کیا ہے۔
سڈنی ٹیسٹ : آسٹریلیا نے پہلی اننگز 538 رنز پر ڈکلیئر کر دی
اظہر علی آسٹریلیا میں سب سے زیادہ رنز بنانے والی پاکستانی اوپنر بن گئے