لاہور (جیوڈیسک) وفاقی وزیر ترقی و منصوبہ بندی احسن اقبال کا کہنا ہے کہ وزیراعظم نواز شریف پہلے ہی اقتصادی راہداری منصوبے کو پوری قوم کا منصوبہ قرار دے چکے ہیں جب کہ منصوبے کے ثمرات سے خیبرپختونخوا اور بلوچستان سمیت مغربی صوبوں کو محروم نہیں رکھا جائے گا۔
لاہور میں میں تقریب سے خطاب کرتے ہوئے وفاقی وزیر احسن اقبال کا کہنا تھا کہ پاک چین اقتصادی راہداری منصوبہ ایک شاندار تحفہ ہے اور اس کی کامیاب تکمیل سے پاکستان ترقی کی راہ پر گامزن ہو جائے گا جب کہ یہ منصوبہ خطے کی تقدیر بدل دے گا اور پاکستان کوافغانستان’ وسط ایشیائی ریاستوں اور چین کے لیے تجارتی مرکزبنا دے گا۔ انہوں نے کہا کہ وزیراعظم نوازشریف پہلے ہی اس منصوبے کو پوری قوم کا منصوبہ قرار دے چکے ہیں جب کہ منصوبے سے خیبرپختونخوا وار بلوچستان سمیت مغربی صوبوں کو محروم نہیں رکھا جائے گا۔
احسن اقبال نے کہا کہ ترقی کے لیے نجی شعبہ کلیدی اہمیت کا حامل ہے اور اس کی بھرپور شرکت کے بغیر اقتصادی ترقی کے تمام منصوبے نامکمل رہیں گے۔
انہوں نے کہا کہ وژن 2025 کے تحت پاکستان کوآئندہ 10 برسوں میں دنیا کی 25 ویں بڑی معیشت بنانے کے لیے کوششیں کی جارہی ہیں جب کہ اس مقصد کے حصول میں برآمدات کے شعبے کا کردار بہت اہم ہے۔
سوائن فلو نے پنجاب میں پنجے گاڑ لئے، لاہور میں 4 نئے کیسز سامنے آ گئے
لاہور سمیت پنجاب کے مختلف علاقے دھند کی لپیٹ میں