کراچی کی خبریں 28/1/2016

karchi

karchi

کراچی (اسٹاف رپورٹر) افغانستان سے درجنوں خود کش بمباروں کی پاکستان میں داخل ہونے کی حساس اداروں کی رپورٹ کے بعد پاک فوج کے زیر انتظام تعلیمی اداروں کی بندش ‘جامعہ ‘ کالجز ‘ اسکولز اور اہم تنصیبات پر خصوصی سیکورٹی اقدامات پر تبصرہ کرتے ہوئے محب وطن روشن پاکستان پارٹی کے قائدوچیئرمین امیر پٹی نے کہا کہ سیکورٹی انتظامات و اقدامات شہریوں کے تحفظ کیلئے لازم و ناگزیر اور حکومتی و سیکورٹی اداروں کی حب الوطنی و فرض شناسی کا ثبوت ضرور ہیں مگر دہشتگردوں کے خوف سے معمولات زندگی کو معطل کرنے کی بجائے دہشتگردی کا جڑ سے خاتمہ اور دہشتگردوں ‘ ان کے سرپرستوں ‘ سہولت کاروں و ہمدردوں کا کڑا احتساب ضروری ہے کیونکہ دہشتگردی کے خدشات کے پیش نظر سخت سیکورٹی اقدامات دہشتگردوں کا خوف حاوی و مسلط ہونے کی علامت اور دہشتگردوں کی برتری کا ثبوت ہے اور سیکورٹی اقدامات کے باوجود دہشتگردوں کے ملک و قوم کو نقصان پہنچانے میں کسی بھی کامیابی اداروں کی نا اہلی کو ثابت کرتی ہے اسلئے حفاظتی انتظامات و اقدامات کیساتھ نیشنل ایکشن پلان پر بلا تفریق و جانبداری تیز رفتار آپریشن کے ذریعے دہشتگردوں اور ان کے معاون کاروں و سرپرستوں سمیت ان کے تمام ہمدردوں کا بھی کڑا احتساب کیا جائے خواہ اس کیلئے جنرل راحیل شریف اور عدلیہ کو پارلیمنٹرین کی قربانی دینی پڑے یا پارلیمنٹ کی کیونکہ ملک و قوم کے محفوظ مستقبل سے زیادہ حیثیت و اہمیت کسی کو حاصل نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے میجر جنرل اظہر صالح کو وائس چیف آف جنرل اسٹاف ‘ میجرجنرل شاہین کو آئی ایف سی کے پی کے ‘ میجر جنرل طارق جاوید کو ڈی جی ایس پی ڈی ‘میجر جنرل آفتاب کو ڈی جی پرسنل ایڈ منسٹریشن ‘میجر جنرل ارشاد کو ڈی جی پی پی اینڈ اے جبکہ میجر جنرل خالد محمود کو ڈی جی پی ایم او تعینات ہونے اور میجر جنرل ریحان باقی کو ڈی جی الیکٹریکل میکینکل کور‘میجر جنرل عامر کو ڈی جی آئی ٹی ڈی ‘ میجر جنرل اختر ستی کو جی او سی 26میگنائز ڈوےژن ‘ میجر جنرل سعید ناگرہ کو جی او سی ایک سوچودہ ڈویژن اوکاڑہ میجر جنرل امجد علی خان کو جی او سی 35بہاولپور بنائے جانے پر مبارکباد پیش کرتے ہوئے کہا کہ افواج پاکستان نے وطن عزیز کے دفاع کو جس فرض شناسی ‘ حب الوطنی ‘ عزم و حوصلے اور ایثار و قربانی کے ذریعے مستحکم بنایا ہے اس پر پوری قوم محافظان پاکستان کو سلام پیش کرتی ہے اور قوم کو اس بات کا یقین ہے کہ افواج پاکستان بہت جلد دہشتگردی کے ناسور کو جڑ سے اکھاڑکر قوم کے مستقبل کو محفوظ و پر امن بنانے میں قابل فخر کامیابی حاصل کرلیں گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی (اسٹاف رپورٹر) کراچی ( اسٹاف رپورٹر) حکومت کی جانب سے ایل این جی پائپ لائن کی تعمیر کیلئے بنکوں سے لیا جانے والا قرضہ صارفین سے وصول کرنے کیلئے گیس صارفین پر 101ارب کا اضافی بوجھ لادنے کی حکمت عملی پر شدید احتجاج و اظہار مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘حاجی امیر علی خواجہ ودیگرنے کہاہے کہ حکمران طبقات کی ناقص حکمت عملی ‘ مفاد پرستانہ پالیسی اور عیاشی و کرپشن نے پہلے ہی قوم کیلئے زندگی تنگ اور جینا محال کیا ہوا ہے اور اب گیس صارفین پر 101ارب روپے کا اضافی بوجھ ڈالا گیا تو مہنگائی اس مقام تک پہنچ جائے گی جہاں غریب عوام کیلئے جینا مشکل اور سانس لینا دوبھر ہوجائے گا مگر حکمرانوں کو اپنے مفادات کے سوا کسی چیز سے نکوئی سروکارو غرض نہیں ہے اسلئے اب عوام کو خود ہی اپنے اور اپنے مستقبل کے تحفظ اور استحصالی طبقات سے نجات کیلئے جدوجہد کرنی ہوگی اور راجونی اتحاد کی تشکیل کا مقصد ہی عوامی ‘ قومی اور ملکی مفادات کا تحفظ ہے اسلئے عوام اپنا مستقبل محفوظ بنانے کیلئے ہماری جدوجہد میں شامل ہوجائیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی (اسٹاف رپورٹر) افواج پاکستان کے سربراہ جنرل راحیل شریف کی جانب سے عوام کے جان و مال کے تحفظ کی یقین دہانی اور کراچی کو دہشتگردوں سے پاک کرنے کیلئے کسی بھی حد تک جانے کے عزم کو سراہتے ہوئے پاکستان سولنگی اتحاد کے بزرگ و سینئر رہنما امیر سولنگی‘ سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی و دیگر نے کہا کہ افواج پاکستان اور آرمی چیف کی حب الوطنی ‘فرض شناسی ‘ عزم و حوصلہ اور عوام دوستی مثالی و قابل فخر ہے اور قوم کو یقین ہے کہ فوج بہت جلد وطن عزیز سے دہشتگردی کا مکمل صفایا کرنے میں کامیاب ہوجائے گی کیونکہ فوج کی کاوشوں سے ملک میں بڑی حد تک امن قائم ہوچکا ہے جبکہ کراچی کے حالات بھی بہتری کی جانب آنے سے قومی معیشت کی زبوں حالی میں کمی واقع ہورہی ہے مگر دہشتگردی ‘ لاقانونیت اور عوام کے جان و مال کو خطرہ صرف کراچی کے شہریوں کو ہی نہیں ہے بلکہ وطن عزیز کے ہر علاقے کا ہر شہری ان خطرات سے دوچار ہے اسلئے آرمی چیف کراچی کے علاوہ سندھ و پنجاب کے دیہی علاقوں کے عوام کو غلام بنانے والے استحصالیوں ‘ عوام کو حقوق سے محروم کرنے والے جابروں اور عوام کو جان و مال کے ساتھ عزت و آبرو سے بھی محروم کرنے والوں سے محفوظ بنانے کیلئے بھی اقدامات کریں کیونکہ فوج صرف کراچی کی نہیں پورے پاکستان کی فوج ہے اور جنرل راحیل شریف افواج پاکستان کے سربراہ ہیں۔