ہوئی جاتی ہیں پلکیں نم مسلسل

Posted on June 11, 2016 By Mohammad Waseem آپکی شاعری, شاعری

ہوئی جاتی ہیں پلکیں نم مسلسل
دیے جاتا ہے کوئی غم مسلسل

یہ دل کہ مانگتا رہتا ہے ہر پل
تمہارے پیار کے موسم مسلسل

فصیلِ دل پہ لہراتے رہیں گے
تمہاری یاد کے پرچم مسلسل

کسے معلوم ہے دانش کدوں میں
ہوئے جاتے ہیں پاگل ہم مسلسل

انہی ہاتھوں نے اب تھامے ہیں نِشتر
کبھی رکھتے تھے جو مرہم مسلسل

جِسے تسکینِ دل سمجھا تھا ساحل
وہی رہتا ہے اب برہم مسلسل

تحریر : ساحل منیر