فیصل آباد : سبحانی راجپوت ویلفیئر ایسوسی ایشن کا سالانہ اجلاس اور 4 مستحق جوڑوں کی اجتماعی شادیوں کی تقریب 12 اگست کو منعقد ہوگی جس کیلئے تمام معززاراکین و عہدیداران کو دعوت نامے ارسال کردیئے گئے ہیں ایسوسی ایشن کے صدرحاجی نجم حسین کی اطلاع کے مطابق مرکزی تقریب مرکزی دفتر ڈیرہ شاہ مدینہ گلی نمبر13 طارق آباد میں منعقد ہوگی’ پروگرام کے مطابق چاروں بچیوں کی باراتیں ایک بجے ڈیرہ پر پہنچیں گی جن کا عہدیداران پرتپاک استقبال کریں گے۔ اجلاس کی کاروائی دو بجے دوپہر شروع ہوگی جبکہ جوڑوں کا نکاح دوبجکر30 منٹ پر پڑھایا جائے گا۔ ریفریشمنٹ کیلئے 3 تا 4 بجے کا وقت ہوگا اور ٹھیک 4 بجے بچیوں کو نیک دعائوں کے ساتھ رخصت کردیا جائے گا حاجی نجم حسین نے تمام عہدیداران اورممبران سے توقع کی ہے کہ وہ اس اہم ترین اجلاس اورتقریب میں بھرپور شرکت کرکے نہ صرف برادری کے اتحاد کیلئے کوششیں کرنیوالے عہدیداران ‘ ورکرز اور نمائندگان کی حوصلہ افزائی کریں گے بلکہ مستحق بچیوں کو نیک تمنائوں اور دعائوں کیساتھ رخصت بھی کریں گے۔ انہوں نے سب کو پابند ی وقت کی ہدایت بھی کی ہے۔
فیصل آباد: مسلم لیگ (ن) کے رہنما و متوقع میئر ذوالفقار احمد شیخ نے کہا ہے کہ عمران خان کا شائد حافظہ خراب ہے یا پھر ان کو معلومات کی کمی ہے اس وجہ سے وہ اکثر ایسے ایسے الزامات لگا دیتے ہیں جن کا کوئی سرپیر نہیں ہوتا۔ ان کا یہ الزام کہ پاکستان میں کرپشن کی ابتداء شریف برادران نے کی تھی بالکل فضول اور لغو ہے کیونکہ آج سے 30 سال قبل جب عمران خان نے آف شور کمپنی بنائی تھی تو ان کا مقصد اولین صرف ٹیکس بچانا تھا جس کا انہوں نے برطانیہ میں میڈیا کیساتھ گفتگو کرتے ہوئے اعتراف بھی کیا تھا لہٰذا وہ اپنے گریبان میں منہ ڈال کر سوچیں کہ کرپشن کی ابتداء کس نے کی تھی’ شوکت خانم کے بورڈ آف گورنر میں اپنی دو بہنوں اورایک بہنوئی کا نام دینے کا کیا مقصد ‘ جب یہ ہسپتال چل ہی خیرات کے کھاتے میں رہا ہے تو بورڈ آف گورنرز کے ممبران کی تنخواہیں کہاں سے دی جارہی ہیں ؟ انہوں نے مزید کہا کہ الزام برائے الزام اور مخالفت برائے مخالفت کی سیاست نے ہی وہ اخلاقی اقدار کو تباہ کرکے رکھ دیا ہے۔ مسلم لیگ (ن) کی جانب سے ریفرنس دائر کرنے کو بلیک میلنگ کہنا درحقیقت حقائق سے نظریں چرانے کے مترادف ہے مگر عوام مکمل باشعور ہیں لہٰذا عمران خان عدالتی جنگ کو عدالت تک رہنے دیں تو بہتر ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد: وزیراعظم میاں محمد نواز شریف اور وزیراعلیٰ پنجاب میاں شہباز شریف نے ملک و قوم کا وقار بلند کرنے اور عوام کو بنیادی سہولیات ان کی دہلیز پر مہیا کرنے کا عزم کر رکھا ہے اور ڈویلپمنٹ کی راہ میں کوئی رکاوٹ حائل نہیں ہونے دیں گے ان خیالات کا اظہار امیدوار سٹی میئر عبدالحفیظ باوا نے اپنے ایک بیان میں کیا انہوں نے کہا کہ پی ٹی آئی اور دیگر اپوزیشن راہنمائوں کو اگر اپنا سیاسی مستقبل عزیز ہے تو اُنھیں بچگانہ سیاست کا کھیل ختم کر کے خود کو قومی سیاست کے دھارے میں لانا ہوگا۔ انہوں نے کہا کہ مسلم لیگ ن نے آزاد کشمیر کی انتخابی معرکہ آرائی میں شاندار کامیابی حاصل کر کے اپنی عوامی مقبولیت ثابت کر دی’ انشاء اﷲ آئندہ عام انتخابات میں پاکستان کے چاروں صوبوں میں کلین سویپ کرنے کی روایت برقرار رکھے گی۔
لاہور : ریلوے میں سکریپ سکینڈل سامنے آ نے کے بعد حکام کو ہوش آگیا
وادی زیارت میں جاری بارشوں نے طوفانی رخ اختیار کر لیا، رابطہ سڑکیں بند