فیصل آباد : سابق ڈویژنل کوآرڈینیٹر پیپلزپارٹی عظمیٰ فدا خواجہ ایڈووکیٹ نے کہا ہے کہ ن لیگی حکومت نے عوام پر 90کروڑ روپے کا ماہانہ اضافی بوجھ ڈال کر ‘معاشی قتل’ عام کیا ہے۔ وفاقی وزراء واراکین پارلیمنٹ کی تنخواہوںمیں اضافہ حیران کن ہے۔ نواز حکومت تو بیرونی واندرونی قرضوں یا قطری شہزادے کے خط کے سہارے چل رہی ہے۔ ن لیگی اراکین نوے فیصد قانون سازی میں حصہ ہی نہیں لیتے۔ زیادہ تر صدارتی آرڈیننس نواز جاری کروا کر من پسند قانون سازی کروا لی جاتی ہے۔ اس لئے علماء کرام سے فتویٰ لیاجائے تو ن لیگی ارکان حکمران ہوتے ہوئے قانون سازی کی قدرت رکھنے کے باوجودصدارتی آرڈیننسوں کے ذریعے قوانین لاگو کروانے اور تحریک انصاف کے اراکین ایوان کے رکن ہونے کے باجود غیر حاضر رہ کر ‘حرام’ کی تنخواہیں لے رہے ہیں۔ اس لئے ان پارٹیوں سمیت دیگر سیاسی آزاد ارکان پارلیمنٹ کی تنخواہوں میں اضافہ ‘حرام’ قرار دیا جائے۔ قوم پر ظلم کرکے آسودہ لوگوں کو نواز کر غریب عوام پر ظالمانہ وار کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان مسلم لیگ ن کے مرکزی رہنما ومیئر گروپ کے سربراہ چوہدری شیر علی، وائس چیئرمین سٹی کونسل 120شاہد عبداللہ بٹ نے کہا ہے کہ موجودہ بلدیاتی نظام کو لولھا لنگڑا بنانے کی بجائے بلدیاتی عوامی نمائندوں کو اختیارات دئیے جائیں۔ وائس چیئرمین اور کونسلرز بے اختیار ہونا جمہوری دعووں کی نفی ہے۔ سٹی میئر اور ضلع چیئرمین کے انتخابات میں وائس چیئرمینوں اور یونین کونسل کے کونسلروں کو ووٹ ڈالنے کا حق دیا جائے۔ ایک سال سے زیادہ عرصہ بلدیاتی انتخابات کو ہوچکا ہے۔ لیکن بدقسمتی سے آج تک پنجاب بھر میں غیر فعال اور تعطل کا شکار ہے جوکہ افسوس ناک ہے۔ گروپ بندی اور ذاتی انا پرستی نے مسلم لیگ ن کے نظریاتی ورکروں کو بہت مایوس کیا۔ شیر کے انتخابی نشان کو عبرت ناک شکست ملنا راناثناء اللہ کی حماقت اور خود غرضی کا نتیجہ ہے۔ ان شاء اللہ میئر چوہدری شیر علی کے گروپ سے ہی ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان یارن مرچنٹس ایسوسی ایشن کے سابق چیئرمین شیخ اکرم پاشا نے کہا ہے کہ تاجر دوست نواز حکومت کی شاندار کارکردگی کی کیا بات ہے؟ پچھلے ڈیڑھ سال سے ستر ٹیکسٹائل ملیں بند ہوچکی ہیں۔ لاکھوں دیہاڑی دار مزدور بے روزگار ہوکر معاشی بدحالی کا شکار ہوگئے ہیں۔ ملکی صنعت کار اور تاجر اپنی جمع پونجی سے اپنی گزر بسر کررہے ہیں۔ نجاب کب خوشحال پاکستان بنانے کا ن لیگی خواب پورا ہوگا؟ گرمیوں میں بجلی بندش کا عذاب اور سرد موسم میں گیس لوڈشیڈنگ نے صنعتی اداروں کو مزید تباہی کا شکار کردیا ہے۔ ملکی سرکاری ادارے ‘گروی’ رکھ کر قرضے لئے جارہے ہیں۔ ٹیکسٹائل کا وزیر پچھلے ایک سال نہیں ہے ملک کا وزیر خارجہ بھی نہیں ہے۔ یہ کیسی ن لیگی تجربہ کار حکومتی ٹیم ہے جو نہ عوام کو ریلیف دے رہی ہے اور نہ ہی تاجروں کی داد رسی ہورہی ہے۔وزیراعظم تاجروں اور عوام پر مہربانی کرے عوامی مسائل کی طرف بھی کچھ توجہ دے دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : گورنمنٹ ایم سی گرلز ہائر سیکنڈری سکول بھوانہ بازار کی پرنسپل مس قمر سلطانہ نے کہا ہے کہ ملکی تعمیر وترقی کیلئے نوجوان نسل کو دور جدید کے علوم سے آراستہ کرنا ضروری ہے۔ ان خیالات کااظہار انہوں نے سکول میں منعقدہ ایک تقریب سے خطاب کرتے ہوئے کیا۔ تقریب میں سکول اساتذہ مس نسرین فاروق، مس نبیلہ مصطفے، مس بشریٰ، مس نائلہ اور طالبات نور فاطمہ، عروج فاطمہ، مبشرہ، رامین، رمشائ، زینب شفیق ودیگر نے بھی گفتگو کی۔ اساتذہ کا کہنا تھا کہ باہمی فروعی اختلافات، آپس کی نفرتوں کو محبت میں بدل دواور ایک ہوجاؤ۔ جھوٹی اناپرستی، خودغرضی، ذاتی مفاد پرستی اور وقتی فائدے سے بالاتر ہوکر اتحاد امت اور اپنے ملک وقوم کے قومی مفاد کیلئے سوچو ورنہ ذلت ورسوائی ہمارا مقدر بنی رہے گی؟انہوں نے کہا نوجوان مستقبل کا سرمایہ ہیں۔ ملک کی تعمیر ترقی اور دفاع کیلئے وطن کے نوجوان اور طلباء وطالبات اپنی سیکورٹی فورسز کے شانہ بشانہ ہوں گے۔
کرنل راجہ اجمل صابر کو پوٹھوہار ٹائون کا صدر نامزد ہونے پر کارکنوں میں خوشی کی لہر
گجرات کی خبریں 25/11/2016