فیصل آباد : انجمن تاجران شیر گروپ سٹی چیئرمین شہر کی المعروف شخصیت تاجر لیڈر چوہدری امتیاز ربانی بلو نے کہا ہے کہ پی آئی اے طیارہ المناک سانحہ میں 47قیمتی جانوں کی شہادت پر دلی دکھ اور غم کا اظہار کرتے ہوئے اسے قومی سانحہ قرار دیا ہے ۔اپنے تعزیتی بیان میں انہوں نے جنید جمشیدشہید سمیت بدقسمت طیارے میں سوار شہداء کی شہادت پر کہا کہ پوری قوم اس سانحہ پر بڑی افسردہ ہے۔ پاکستان کے ذہین ترین افراد کی شہادت سے پوری قوم کا بہت بڑا جانی نقصان ہوا ہے۔ ‘سانحہ پی کے 661’ کے دل خراش واقعہ سے ہر پاکستانی کا دل زخمی ہوگیا ہے۔ اللہ تعالیٰ تمام شہداء کے درجات بلند فرمائے۔ تاجر برادری تمام لواحقین کے غم میں برابر کی شریک ہے اور شہداء کے درجات کی بلندی کیلئے دعا گو ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان تحریک انصاف ویسٹ ریجن پنجاب کے صدر چوہدری اشفاق ‘ ریجنل جنرل سیکرٹری فیض اللہ کموکا ‘ سٹی صدر ڈاکٹراسد معظم اورخیال کاسترو نے کہا ہے کہ سپریم کورٹ میں آج ہونیوالی پاناما لیکس کی سماعت انتہائی اہم ہے کیونکہ تحریک انصاف نے تمام ثبوت اور اپنا نقطہ نظر پیش کر دیا ہے اب یہ شریف فیملی کی ذمہ داری ہے کہ وہ لگائے گئے الزامات پر اپنی صفائی پیش کرے’ ہماری حد تک تو کیس شیشے کی طرح صاف ہو گیا ہے ‘ انہوں نے کہا کہ یوں محسوس ہوتا ہے کہ جیسے اس کیس فیصلہ رواں ماہ کو ہی ہو جائے گا جس کے بعد ملک و قوم کی ان لٹیروں اور نااہل حکمرانوں سے جان چھوٹ جائے گی’ انہوں نے کہا کہ ہمارے قائد عمران خان نے جو بھی کہا وہ کرکے دکھا دیا مگر چند حکومتی درباری روزانہ میڈیا کے سامنے جھوٹ پر جھوٹ بولنے کا مقابلہ کرتے ہیں مگر یہ درباری یاد رکھیں ان کا جانا ابھ ٹھہر چکا ہے ‘ عدلیہ آزاد ہے اور آزادانہ فیصلے بھی دے رہی ہے اور امید ہے کہ پانامہ لیکس پر آنے والا فیصلہ ایک نئی تاریخ رقم کرے گا اس کے بعد کسی بھی حکمران کو قومی خزانے پر شب خون مارنے کی جرأت نہیں ہوگی۔ عمران خان ایک حقیقی ہیرو اور قوم کے مسیحا بن کر سامنے آئے ہیں’ کرپشن کے خلاف ان کے جہاد کو کبھی فراموش نہیں کیا جاسکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان پیپلزپارٹی پی پی 71 کے ٹکٹ ہولڈر چوہدری عدیل تاج نے کہا ہے کہ عمران خان کا یہ کہنا کہ پیپلزپارٹی کا احتساب بل نوازشریف کو بچانے کیلئے ہے صرف عوام کو دھوکہ دینے کے مترادف ہے ‘ خود موصوف ابھی تک عدالت میں کچھ بھی ثابت کرنے میں ناکام رہے ہیں اور اب الزام پیپلزپارٹی پر دھر رہے ہیں مگر وہ یاد رکھیں جب تک پیپلزپارٹی کا احتساب بل منظور نہیں کر لیا جاتا اس وقت تک حقیقی احتساب صرف خواب ہی رہے گا ‘ انہوں نے کہا کہ عمران خان 8 سال تک یہی کہتے رہے کہ بنی گالہ محل انہیں جمائما نے تحفے میں دیا ہے مگر اب جب معاملہ عدالت میں پہنچا توفرمایا یہ میں نے جمائما سے قرضہ لے کر خریدا ہے’ جھوٹ بول کر اوریوٹرن لے کر وہ پاکستان کے سب سے نچلے درجے کے سیاسی لیڈر بن چکے ہیں اس لیے وہ پیپلزپارٹی کی قیادت پر الزامات لگانے سے نہ صرف گریز کریں بلکہ شرم بھی کریں اگر قیادت نے جیالوں کو کھلی اجازت دیدی تو اس یوٹرن خان کی زبان چند لمحوں میں بند کردیں گے’ انہوں نے مزید کہا کہ پاکستان کی تقدیر صرف اور صرف پیپلزپارٹی بدلے گی عمران خان اورنوازشریف میں کوئی اہلیت نہیں ہے لہٰذا پیپلزپارٹی کے کارکن اب تیار رہیں انہیں کسی بھی وقت کال آسکتی ہے اور پھر ہم سڑکوں پر ہوں گے اور حکومت کا تختہ الٹ کر اس پر قابض نااہل حکمرانوں کو گھر بھیج دیں گے۔
زیارت کی خبریں 8/12/2016
جنید جمشید سمیت47 قیمتی جانوں کے ضیاع پر تحریک انصاف کے رہنماء اشرف قریشی کا اظہار افسوس