فیصل آباد کی خبریں 1/3/2017

Faisalabad

Faisalabad

فیصل آباد : پاکستان تحریک انصاف کے رہنما و امیدوار این اے 84 میاں اختر محمود نے کہا کہ تحریک انصاف کا موقف ملک بھر میں تسلیم کیا جارہاہے ،تحریک انصاف کو ہی تبدیل کی علامت سمجھا جاتا ہے اب ملک بھر میں جو مثبت تبدیلیاں رونما ہوئی ہیں ،ان میں تحریک انصاف کا کردار نمایاں ہے ،عوام بدعنوان حکمرانوں سے نجات چاہتے ہیں وزیر اعظم کے خلاف ریفرنس عوام کا فیصلہ ہے عوام اپنی لوٹی ہوئی دولت کا حساب لینا چاہتے ہیں عوام کو علم ہے کہ کس نے ان کے حقوق پر ڈاکہ ڈالا ہے کون اس کے وسائل پر قابض ہے حکمران تین سالوں میں ملک کیلئے کچھ نہیں کرسکے وہ صرف قرضے لینے میں کامیاب ہوئے ،انہوںنے کہا کہ پانامہ کیس کا عدالت میں چلنا اور حکمرانوں کا اصل چہرہ عوام کے سامنے آنا تحریک انصاف کی جدوجہد کی سب سے بڑی کامیابی ہے ،انہوںنے کہا کہ حکمران اب مظلوم نہتے کا ڈرامہ کررہے ہیں لیکن اب انہیں کامیابی نہیں ملے گی مسلم لیگ ن کی حکومت نے کرپشن اور لوٹ مار کی دولت بچانے کیلئے ملکی اداروں کو تباہی کے دہانے تک پہنچا دیا ہے ،لہذا عوام اب کرپٹ حکمرانوں کو مزید برداشت نہیں کرینگے ،پوری قوم پانامہ لیکس کے معاملے میں متحد ہوچکی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : چیئرمین سٹی کونسل 81راجہ سلیم عابد نے کہا کہ آپریشن رد الفساد بے گناہ پاکستانیوں کے خون ناحق کا انتقام ہے ملک کا امن و امان تباہ کرنے والے مٹھی بھر دہشتگرد اپنے برے انجام کیلئے تیار رہیں ،تحریک آزادی کشمیر سے سخت پریشان ہے اور اپنے انتقام کی آگ کو ٹھنڈا کرنے کیلئے افغانستان کے نمک حرام حکمرانوں کو مہر ے کے طور پر استعمال کردیا ہے ،افغان عوام پاکستانیوں کی قربانیوں کو نہ بھولیں جو انڈیا کے ہاتھوں میں کھل رہے ہیں پاکستان دشمنوں کا آلہ کار بن کر پاکستانیوں کو بے پناہ نقصان پہنچا رہاہے حکومت اور عوام کے تعاون سے آپریشن رد الفساد کامیاب ہوگا سانحہ لاہور کے بعد تمام امن پسند قوتیں اور عوام پریشان ہیں عنقریب دہشتگرد ناکام ہونگے اور مسلم لیگ ن کی قیادت میں عوامی ترقی اورخوشحالی کا ایک نیا دور شروع ہوگا ،مسلم لیگ ن حکومت اور افواج پاکستان دہشتگرد ی کا ناکام بنا کر دم لیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : انجمن تاجران مکی کلاتھ مارکیٹ کے جنرل سیکرٹری شیخ یوسف گچھا نے کہاکہ دہشتگردی کے واقعات سے لوگوں میں خوف وہراس کی فضاء قائم ہے جبکہ کاروباری طبقہ شدید متاثر ہے ،پنجاب میں رینجرز کی آمد سے تمام طبقات فخر محسوس کررہے ہیں اور توقع ہے کہ رینجرز ہر طرح کی دہشتگردانہ ،کرپشن پر مبنی دیگر سرگرمیوں کی پنجاب میں بلا رعایت جڑ سے اکھاڑنے کی اقدامات کریگی ،دہشتگرد کتنی بھی کوشش کرلیں پاکستانی عوام کے حوصلے پست نہیںکرسکتے ،پنجاب سے دہشتگردوں کے سہولت کاروں کے خاتمے کیلئے تمام ترتوانائیاں صرف کی جائیں اور بیرونی عوامل ملک کی جڑیں کمزور کرنے میں لگے ہوئے ہیں۔