کراچی کی خبریں 19/12/2016

Bribery

Bribery

کرپشن زدہ پاکستان کے ذمہ دار 2مقتدر خاندان ہیں‘ ایم آر پی
کرپشن فری پاکستان کی راہ میں دو مقتدر خاندان اور استحصالی نظام سب سے بڑی رکاوٹ ہیں
عدلیہ و فوج ”کرپشن فری پاکستان “ کے قومی تقاضے کو پورا کرنے سے قاصر ہیں ‘ امیرعلی پٹی والا
کراچی (اسٹاف رپورٹر) پاکستانی قوم کیلئے کرپشن دہشتگردی سے بڑا خطرہ ہے مگر افسوس کہ دہشتگردی کیخلاف نبردآزما فوج کو جمہوریت کے نام پر قائم استحصالی نظام نے اس طرح سے مفلوج کردیا ہے کہ فوج قومی امنگوں و ضرورتوں کے مطابق کرپشن کیخلاف آپریشن سے معذور ہے حالانکہ کرپشن فری پاکستان وقت کا تقاضہ اور قوم کی اولین ضرورت ہے مگر دومقتدر خاندان‘ ان کے حاشیہ برداراور استحصالی نظام کرپشن فری پاکستان کی راہ میں سب سے بڑی رکاوٹ بنے ہوئے ہیں ۔ محب وطن روشن پاکستان پارٹی کے قائد و چیئرمین امیر پٹی نے مزید کہا کہ قومی خزانہ لوٹنے ‘ عوام سے وسائل اور ان کے بچوں کے منہ سے نوالہ اور آنے والی نسلوں سے محفوظ و خوشحال مستقبل چھین لینے والے مسند اقتدار پر براجمان اور دیگر اپنی باری کی تیاریوں میں مصروف ہیں مگر نہ تو عدلیہ اور نہ ہی فوج کرپشن فری پاکستان کی قومی ضرورت و تقاضے کے مطابق اپنے کردار کی ادائیگی کیلئے تیار دکھائی دے رہے ہیںیہی وجہ ہے کہ توانائی بحران کے خاتمہ کے نام پر اقتدار پانے والے توانائی کے خاتمے کیلئے 2022ءتک کا نیا وقت دیکر قوم کو مزید بیوقوف بناکر پھر سے قوم پر حکمرانی اور مزید لوٹ مار کی تیاری کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی اور اسکے عوام سیاسی اقربا پروری کا شکار ہیں ‘ جی کیو ایم
بلدیاتی اداروں کی بے اختیاری کو جلد ختم نہ کیا گیا تو اس شہر میں سانس لینا دوبھر ہوجائے گا ‘ سورٹھ ویر
بلدیاتی نمائندوں و اداروں کو با اختیار بنانے سے گریز حکمرانوں کی عوام و کراچی دشمنی کا ثبوت ہے
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کراچی کی صورتحا ل پر اظہار افسوس کرتے ہوئے کہا کہ میگاسٹی عروس البلاد کراچی سیاسی اقربا پروری کی نظر ہوچکا ہے گوکہ افواج پاکستان‘ رینجرز اور سیکورٹی اداروں کی حب الوطنی فرض شناسی اور ایثار و قربانی نے شہر کا تباہ شدہ امن تو بحال کردیا ہے مگر گندگی و غلاظت کے ڈھیر ‘ سیوریج نظام کی بربادی اور سڑکوں کی بدحالی کیساتھ ناجائز تجاوزات اور ٹریفک پولیس کی نااہلی و کرپشن کے باعث شہر میں بدترین ٹریفک جام کی صورتحال اس بات کا ثبوت ہے کہ بلدیاتی اداروں کی بے اختیاری کو جلد ختم نہ کیا گیا تو اس شہر میں سانس لینا بھی دوبھر ہوجائے گا مگر عوام کے ووٹوں سے اقتدار کے ایوانوں تک پہنچ کر کرپشن و کمیشن کے ریکارڈ بنانے والے عوام ‘ اسکے مسائل و مصائب اور پریشانی و استحصال کو نظر انداز کرنے کی پالیسی پر گامزن ہیں اور بلدیاتی نمائندوں و اداروں کو با اختیار بنانے سے گریز ان کی عوام و کراچی دشمنی کا ثبوت ہے اور اگر وہ کراچی اور عوام کے دشمن نہیں ہیں تو پھر بلدیاتی اداروں کو مکمل طور پر با اختیارا ور خود مختار بنائیں تاکہ عوامی مسائل کا حل ممکن ہو اور کراچی دور قدیم کی مسائل و غیر تہذیب یافتہ بستی کی بجائے دور جدید کے میگا سٹی کی اپنی اصل شکل میں واپس لوٹ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمہوریت کے نام پر ملک میں استحصال کی حکمرانی ہے ‘ راجونی اتحاد
استحصالی نظام و موروثی سیاستدانوں سیاست کو دھوکا فریب کا دوسرا روپ بنادیا ہے ‘ عمران چنگیزی
قومی خزانہ لوٹنے والے خود کو محب وطن اور دوسروں کو غدار قرار دے رہے ہیں ‘ امیرپٹی ‘ اقبال ٹائیگر
کراچی (اسٹاف رپورٹر ) استحصالی نظام اور موروثی سیاستدانوں نے سیاست کو دوھکے اور فریب کا دوسرا روپ بنادیا ہے اور جمہوریت کے نام پر ظلم و استحصال وہ نظام قائم ہے جو دھاندلی کے ذریعے اقتدار میں آنے والوں کو قومی امنگوں کے برخلاف مفاداتی فیصلوں کا اختیار دیتا ہے جس کے سہارے حکمران دونوں ہاتھوں سے قومی خزانے کو لوٹنے کے باوجود بھی حب الوطنی کے ٹائٹل کے حامل اور دوسروں کو غدار قرار دینے کے اہل ہیں ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے حیدرآباد میں جلسہ عام سے خطاب کرتے ہوئے کہا کہ استحصال ‘ ظلم اور نانصافی سے نجات اور مستقبل کو محفوظ و خوشحال بنانے کا اختیار عوام کے پاس ہے عوام انتخابات میں اگر روایتی سیاستدانوں اور سیاسی جماعتوں کو مسترد کرکے راجونی اتحاد کے نامزد اپنی ہی برادری کے مخلص ‘ تعلیم یافتہ اور دیانتدار افراد کو کامیاب بناکر اپنے مستقبل کو استحصال و ظالم حکمرانوں کے چنگل سے بازیاب کراسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حساس امور پر ہر طرح کا ردعمل انتہائی احتیاط کا متقاضی ہے ‘ سولنگی اتحاد
پاکستانی قوم چوہدری نثارکو محب وطن ‘ مخلص ‘ عوام دوست اور ذمہ دار سیاستدان مانتی ہے ‘ امیر سولنگی
سپریم کورٹ کمیشن کی رپورٹ کومتانزعہ بنانا قومی سلامتی کیلئے مضر ثابت ہوگا ‘ ایاز سولنگی ‘ عابد سولنگی
کراچی ( اسٹاف رپورٹر )پاکستان سولنگی اتحاد کے سینئر بزرگ رہنما امیر علی سولنگی ‘معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی نے سانحہ کوئٹہ کمیشن کی رپورٹ پر وفاقی وزیر داخلہ چوہدری نثار کے ردعمل پر تبصرہ کرتے ہوئے کہا ہے کہ قومی سلامتی کے حساس امور پر کسی بھی طرح کا ردعمل انتہائی احتیاط کا متقاضی ہے اور قوم چوہدری نثار پر محب وطن ‘ مخلص اور محتاط سیاستدان ہونے کا یقین رکھتی ہے اور یہ بھی جانتی ہے کہ سپریم کورٹ کمیشن کی رپورٹ کو متنازعہ بنانے سے قومی تحفظ کے خفیہ اداروں ‘ نیشنل سیکورٹی پلا ن اور دہشتگردی کیخلاف جاری جنگ کو خطرات لاحق ہوسکتے ہیں جو قومی سلامتی کیلئے بھی مضر ثابت ہوں گے اسلئے ذاتی انا پر قومی مفادات کی ترجیح اولین قومی ضرورت ہے اسلئے ضروری ہے کہ سیکورٹی فریم ورک کو بہتر بنانے کیساتھ وزارت داخلہ کو بھی کمیشن کی سفارشات پر عمل کا پابند بنانے کی روایات قائم کی جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسماعیلی کمیونٹی کی سالانہ تقریب ‘ ترقی و استحکام پاکستان کیلئے اجتماعی دعا
پرنس کریم آغا خان کے پیروکاروں کو امن ‘ اتحاد اور اخوت کیساتھ تعمیر وخدمت پاکستان کا درس
امن‘ محبت وایثار شیوہ ‘خدمت عزم اور پاکستان کی ترقی ہمارا نصب العین ہے‘ پرنس کریم آغا خان
کراچی ( اسٹاف رپورٹر )ہزہائی نیس پرنس کریم آغا خان کی سالگرہ تقریبات کے سلسلے میں سینئر سٹیزن کے اعزاز میں تقریب نظاری گرا ¶نڈ حیدری میںچیئرمین آغا خان سوشل ویلفیئر بورڈ کریم آبادشمس میگھانی کی صدارت میں منعقد کی گئی جس کے مہمان خصوصی آغا خان کونسل کریم آباد کے صدر عزیز فاضوانی تھے ۔تقریب میں ناظم آباد جماعت خانہ ‘ نظاری جماعت خانہ اور النور جماعت خانہ لے عہدیداران اور سینئر سٹیزنز کی بہت بڑی تعدادکے علاوہ پاسداران پاکستان اسماعیلی ٹرسٹ کے چیئرمین امیر علی اسماعیلی عرف پٹی والا نے اپنی اہلیہ شاہ بانو اور جنرل سیکریٹری امیر علی خواجہ نے بھی اپنی اہلیہ کے ہمراہ خصوصی شرکت کی ۔ تقریب میں شرکاءتک ہزہائی نیس پرنس کریم آغا خان کا خصوصی پیغام پہنچایا گیا جس میں انہوں نے پاکستان کی ترقی و خوشحالی ‘ دہشتگردی کیخلاف صف آرا ¿ افواج پاکستان اور سیکورٹی اداروں کی کامیابی اور وطن عزیز میں قیام امن کیلئے خصوصی دعا کرتے ہوئے اپنے پیروکاروں کا اتحاد ‘ امن و اخوت کا درس دیتے ہوئے کہا کہ پاکستان کی ترقی و خوشحالی کیلئے اسماعیلی کمیونٹی کی مثالی خدمات کو سراہتے ہوئے کہا کہ امن ‘ اخوت و ایثار ہمارا شیوہ ‘خدمت ہمارا عزم اور ترقی و استحکام پاکستان ہمارا نصب العین ہے۔