فواد خان نے فلمساز سہیل خان کی فلم مائی پنجابی نکاح سائن کر لی

Fawad Khan

Fawad Khan

ممبئی (جیوڈیسک) بالی ووڈ میں پاکستانی اداکار فواد خان کی کامیابیوں کا سفر جاری ہے۔

فواد خان نے سلمان خان کے بھائی سہیل خان کی نئی فلم ’’ مائی پنجابی نکاح ‘‘سائن کرلی ۔ فلم ’’خوبصورت ‘‘ سے فلمی سفر کا آغاز کرنے والے فواد خان کا جادو بالی ووڈ میں سر چڑھ کر بول رہا ہے۔ فواد خان بھارتی فلمسازوں کی اولین پسند بن چکے ہیں۔

سہیل خان کی نئی فلم ’’مائی پنجابی نکاح ‘‘میں مرکزی کردار ادا کریں گے تاہم فواد خان کی ہیروئن کون بنے گی ابھی اس بات کا فیصلہ ہونا باقی ہے۔ فلم کیلئے پہلے سلمان خان اور کرینہ کپور کو فائنل کیا گیا تھا تاہم کچھ وجوہات کی بنا پر اِن دونوں اداکاروں پر یہ فلم نہیں بن سکی۔