ممبئی (جیوڈیسک) بھارتی فلم انڈسٹری میں کامیابی کے جھنڈے گاڑنے والے پاکستانی اداکار فواد خان نے ڈائریکٹر سہیل خان کی فلم میں کام کرنے سے انکار کردیا۔
بھارتی میڈیا کے مطابق بالی ووڈ اسٹار سلمان خان کے بھائی ڈائریکٹر سہیل خان نے اپنی نئی فلم میں مرکزی کردار کے لیے فواد خان کو پیشکش کی تھی تاہم انہوں نے فلم میں کام کرنے سے معذرت کرلی۔
فواد خان نے فلم کے اسکرپٹ اوراپنے کردارکے باعث فلم میں کام سے انکارکیا جب کہ وہ اپنی دیگر فلموں کے اسکرپٹ پر بات چیت کے لیے پروڈیوسرز سے ملاقاتیں بھی کریں گے۔
واضح رہے کہ پاکستانی چارمنگ ہیرو فواد خان اپنی نئی آنے والی فلم ’’ کپور اینڈ سنز‘‘ کی شوٹنگ میں مصروف ہیں جب کہ اس فلم میں بھی انہوں نے بالی ووڈ اداکارہ عالیہ بھٹ کے ساتھ بوس وکنارکا سین پکچرائز کرنے سے انکار کردیا تھا جس کی وجہ سے فلم کااسکرپٹ تبدیل کیا گیا۔
قوالی سے وابستہ افراد نے ہی فن کو زندہ رکھا ہے، امجد صابری
سلمان کے خلاف 250 کروڑ روپے ہرجانے کا دعویٰ دائر