ڈاکٹر : یاسمین فاطمہ زیدی
میتھی دانہ کو انگریزی زبان میںseeds Fenugreek کہا جاتا ہے اور کئی برسوں سے اسے فائدہ مند اثرات کے حصول کے لیے استعمال کیا جارہا ہے۔ میتھی دانہ صرف کھانوں کے ذائقے بڑھانے کے لیے کام نہیں آتا بلکہ یہ آپ کی جلد اور اندرونی صحت کے لیے بھی انتہائی اہم ہے۔ اگر آپ نہیں جانتے کہ میتھی دانہ آپ کتنے طبی فوائد پہنچا سکتا ہے، تو آئیے ہم آپ کو بتاتے ہیں: کیل مہاسے سے نجات اگر آپ چہرے پر نکلنے والے کیل مہاسوں سے تنگ ہیں ،تو آپ کو چاہیے کہ میتھی دانہ استعمال کریں۔ اس کے استعمال کا طریقہ کچھ یوں ہے کہ 4 کپ پانی میں 4 کھانے کے چمچ میتھی دانہ شامل کر کے رات بھر کے لیے چھوڑ دیں۔ صبح اٹھ کر پانی سے میتھی دانہ کو نکال دوسرے پانی میں شامل کر کے 15 منٹ تک ابالیں۔ اس کے بعد ابلے ہوئے پانی کو چھان لیں۔ چھنے ہوئے پانی میں روئی کو ڈبو کر دن میں دو مرتبہ جلد پر لگائیں۔
اس طرح آپ کو کیل مہاسوں سے نجات مل جائے گی۔ اس پانی کو قابلِ استعمال رکھنے کے لیے ریفریجریٹر میں محفوظ رکھیں۔ صحت مند بال میتھی دانہ آپ کے بالوں کو مزید صحت مند اور لمبا کرسکتا ہے۔ تھوڑا سا میتھی کسی ناریل کے تیل میں شامل کر کے ایسی بوتل میں ڈالیں، جس میں ہوا داخل نہ ہوسکتی ہو۔ اس بوتل کو تین ہفتوں کے لیے ایسے مقام پر رکھ دیں، جو ٹھنڈا ہو، لیکن وہاں سورج کی روشنی نہ پہنچ سکے۔ اس کے بعد یہ تیل سر کی چوٹی میں لگائیں۔ آپ کے بال خوبصورت اور صحت مند ہوجائیں گے۔
ذیابیطس شوگر کا مرض لاحق ہونے کے بعد آپ چاہے کھانے کے معاملے میں چاہے جتنی بھی احتیاط سے کام لیں، لیکن پھر بھی کبھی نہ کبھی بدپرہیزی ضرور ہوجاتی ہے۔ ایسے میں میتھی دانہ کا استعمال جسم میں شوگر کی سطح کو متوازن رکھنے کے حوالے سے اہم کردار ادا کرتا ہے اور انسولین کی مزاحمت کو کم کرتا ہے۔
Heart Attack
ہارٹ اٹیک سے بچاوہارٹ اٹیک عام ہوتا جا رہا ہے، جس کی بنیادی وجہ ہماری غیر صحت بخش غذائیں ہیں، لیکن میتھی دانہ دل کے حملے کی صورت میں پہنچنے والے شدید نقصانات سے دل کو محفوظ بناتا ہے اور دباو کو کم کرتا ہے۔ میتھی دل کی صحت کے حوالے سے بہترین قرار دیا جاتا ہے۔ کینسر سے بچاو میتھی دانہ کا تیل کینسر کے مریضوں کے لیے انتہائی فائدہ مند ثابت ہوتا ہے۔ یہ تیل ایسے اجزاء پر مشتمل ہوتا ہے، جو کینسر کے خلیوں کے خلاف مزاحمت کرتے ہیں۔ اسی وجہ سے کینسر کے مریضوں کے لیے یہ تیل بہترین ہے اور قدرتی ہونے کے وجہ سے اس کے مضر اثرات بھی نہیں ہوتے۔ کولیسٹرول کی سطح میتھی دانہ جسم میں موجود برے کولیسٹرول کی سطح کو کم کرنے کے حوالے سے بھی مددگار ثابت ہوتا ہے۔
اس کے علاوہ میتھی دل کی بیماریوں کے لاحق ہونے کے خطرات کو بھی کم کرتا ہے۔ جگر کی حفاظت جگر ہمارے جسم میں پائے جانے والے زہریلے مادوں کی صفائی کا کام کرتا ہے۔ بہت زیادہ غیر صحت بخش غذاوں کے استعمال کی وجہ سے ہمارا جگر دباو کا شکار ہوجاتا ہے ،جس کی وجہ سے اسے شدید مسائل کا سامنا کرنا پڑ سکتا ہے، لیکن میتھی دانہ جگر کو زہریلے مادوں کی صفائی کے حوالے سے مدد فراہم کرتا ہے۔
Fenugreek Seed
وزن میں کمی متعدد تحقیق نے یہ بات ثابت کی ہے کہ روزانہ میتھی دانہ کے استعمال سے جسم میں موجود چربی کو کم کیا جاسکتا ہے۔ میتھی دانہ 2 سے 6 ہفتے تک روزانہ تین مرتبہ 329 ملی گرام کھانے سے بہترین نتائج حاصل ہوسکتے ہیں۔ یہ بھوک کو کم کرتا ہے اور آپ کو یہ احساس دلاتا ہے کہ ابھی آپ کو کچھ کھانے کی ضرورت نہیں۔
جنرل راحیل شریف کا زبردست آخری خطاب
ہرمندر سنگھ کا فرار اور گرفتاری بھارت کا نیا ڈرامہ