لیڈز (جیوڈیسک) پاکستان کے دو سو اڑتالیس رنز کے ہدف کے تعاقب میں میزبان ٹیم کا آغاز اچھا نہ تھا۔ محمد عرفان نے جیسن روئے کو چودہ اور ایلکس ہیلز کو آٹھ کے انفرادی سکور پر پویلین روانہ کر دیا۔
بین اسٹوکس اور جونی بئیر اسٹونے پانچویں وکٹ کی شراکت میں ایک سو تین رنز جوڑے۔ بین اسٹوکس انہتر اور بئیر اسٹو اکسٹھ رنز بنا کر رخصت ہوئے۔
معین علی نے اڑتالیسویں اوور کی آخری گیند پر چھکا لگا کر انگلینڈ کو اظہر الیون کے خلاف لگا تار ساتویں فتح دلا دی۔ اس سے پہلے پاکستان کے اوپنرز ناکام رہے۔ کپتان اظہر علی اسی رنز بنا کر عادل رشید کی گیند پر آوٹ ہوئے۔
عماد وسیم نے انگلش بولرز کا ڈٹ کر مقابلہ کیا۔ آل راونڈر نے سیریز میں دوسری نصف سنچری داغی۔ پاکستان نے مقررہ پچاس اوورز میں آٹھ وکٹ پر دو سو سینتالیس رنز بنائے۔ لیگ اسپنر عادل رشید نے تین وکٹیں حاصل کیں۔
بابر مسیح کی سنوکر چیمپیئن شپ میں شرکت
پاکستان ٹیم میں اچھا آغاز دینے والے اور بہترین میچ فنشرز نہیں :مکی آرتھر