ممبئی (جیوڈیسک) بالی ووڈ میں دھک دھک گرل کے نام سے جانی جانے والی اداکارہ مادھوری ڈکشٹ 48 برس کی ہوگئیں۔
ممبئی کے ایک مراٹھی گھرانے میں پیدا ہونے والی مادھوری ڈکشٹ نے اپنے فلمی کیرئیر کا آغاز 1984 میں فلم ’’ابودھ‘‘ سے کیا تاہم بالی ووڈ میں انہیں پہلی کامیابی 1988 میں فلم ” تیزاب “سے ملی،اس کے بعد مادھوری نے پیچھےمڑ کر نہیں دیکھا۔ انہوں نے پرندہ، دل، ہم آپ کے ہیں کون، ساجن، بیٹا، کھل نائیک، دل تو پاگل ہے، پکار، لجا اور دیوداس جیسی کئی فلموں میں اپنی اداکاری کے جوہر دکھائے اور متعدد ایوارڈز اپنے نام کئے۔
اداکارہ نے 1999 میں ایک امریکی نژاد بھارتی ڈاکٹر سری رام مادھو نینے سے شادی کرلی 2002 میں انہوں نے بھارتی فلم نگری سے کنارہ کشی اختیار کرتے ہوئے امریکا میں ہی سکونت اختیار کرلی تاہم 2007 میں دوبارہ واپس آئیں اور ’آجا نچ لے‘‘ نامی فلم میں کام کرکے اپنے فنی سفر کا دوبارہ آغازکیا جو تاحال جا ری ہے۔
مادھوری ڈکشت کو ان کی خوبصورتی، دلفریب مسکراہٹ، اداکاری اور رقص کی مہارت کے بدولت ماضی کی مقبول ترین اداکارہ مدھو بالا سے مماثلت دی جاتی ہے۔ ان کی ان ہی خصوصیات کی بدولت وہ بھارتی فلم نگری میں قدم رکھنے والی ہر اداکارہ کے لئے مشعل راہ سمجھی جاتی ہیں۔
واضح رہے کہ مادھوری ڈکشٹ 14 مرتبہ بھارتی فلم فئیرایوارڈ برائے بہترین اداکارہ کے لیے نامزد ہونے والی واحد اداکارہ ہیں تاہم اداکارہ نے یہ ایوارڈ 6 بار اپنے نام کیا ہے۔
غیر قانونی ہتھیار رکھنے کا مقدمہ، سلمان خان کی اپیل مسترد
کم وسائل میں معیاری فلم بنانا کارنامے سے کم نہیں، بہروز