جو چاہتوں کے اسیر ٹھہرے

Posted on June 3, 2016 By Mohammad Waseem آپکی شاعری, شاعری

جو چاہتوں کے اسیر ٹھہرے
وہ کتنے روشن ضمیر ٹھہرے

تیری گلی میں قدم جو رکھا
ہم ایسے بندے فقیر ٹھہرے

وہ میری زخمی ہتھیلیوں پر
محبتوں کی لکیر ٹھہرے

میں ساری مستی کو بھول جائوں
وہ مجھ سی بڑھ کر شریر ٹھہرے

پھر اہلِ باطل ہی اس زمیں پہ
صداقتوں کے امیر ٹھہرے

پھر ابکے چارہ گروں کے ہاتھوں
ہماری رگ میں ہی تیر ٹھہرے

ہماری خود سے ہی دشمنی تھی
ہم آپ اپنی نظیر ٹھہرے

خدا ہی جانے نگاہ ہستی
کہاں پہ ساحل منیر ٹھہرے

تحریر : ساحل منیر