اسلام آباد (جیوڈیسک) وفاقی وزیراطلاعات پرویز رشید کا کہنا ہے کہ وزیراعظم نواز شریف جمعہ کو پارلیمنٹ میں آکر اپوزیشن کو اعتماد میں لیں گے۔ قومی اسمبلی کے اجلاس کے دوران وزیراعظم کے ایوان میں نہ آنے کے خلاف اپوزیشن جماعتوں کی جانب سے اسمبلی کارروائی کا بائیکاٹ کیا گیا۔
جس کے بعد اسپیکر سردار ایاز صادق نے وزیردفاع خواجہ آصف کو اپوزیشن لیڈرخورشید شاہ کو منانے کے لئے بھیجا تاہم انکار پر وفاقی وزیراطلاعات اور پھر پختونخوا ملی عوامی پارٹی کے سربراہ محمود خان اچکزئی کو بھیجا گیا لیکن اپوزیشن لیڈر نے وزیراعظم کے ایوان میں آنے تک بائیکاٹ پر اصرارکیا۔
اپوزیشن جماعتوں کے موقف پر ڈٹے رہنے کے بعد وفاقی وزیراطلاعات پرویز رشید نے اپوزیشن جماعتوں کو یقین دلایا کہ وزیراعظم نواز شریف جمعہ کے روز ایوان میں آئیں گے اور اپوزیشن جماعتوں کو اعتماد میں لیں گے۔
پانامہ لیکس میں اپوزشن کے لوگوں کے نام بھی آگئے, وزیراعظم سے وضاحتیں مانگنے والے اب خود وضاحت پیش کریں : رانا ثنا اللہ
پانامہ لیکس پر کارروائی میں تاخیر پاکستان سے بے وفائی ہے، سراج الحق