گجرات کی خبروں کی تصویری جھلکیاں

Posted on January 23, 2016 By Mohammad Waseem سٹی نیوز, گجرات

گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں بڑی گیارہویں شریف کے موقع پر ایک عظیم الشان روح پرور محفل منعقد ہوئی۔ محفل پاک کی صدارت صوفی با صفا منبع’ جدو سخا سجادہ نشین آستانہ عالیہ غوثیہ فضلیہ کھیپڑانوالہ شریف نے کی۔ تلاوت قرآن پاک کا شرف حافظ محمد عدیل قادری نے حاصل کیا جبکہ ممتاز ثناء خوان قاری شفقت اللہ قادری ‘مظہر عزیز قادری’ محمد دریائی’ صوفی محمد اقبال ‘ غلام حسین لوراں’ محمد احسان قادری نے ہدیہ نعت پیش کیا۔ جبکہ حضرت علامہ صاحبزادہ سید فیضان الحسن شاہ’ صاحبزادہ سید ابرار حسین شاہ’ حضرت علامہ محمد مظفر نقشبندی نے خصوصی خطاب فرمایا۔ جس کے بعد قاری محمد اشتاق نے ختم غوثیہ پڑھا اور سلام پڑھا۔ بعد ازاں حضرت صاحبزادہ پیر سید محمود الحسن شاہ بخاری قادری الحسینی و الحسنی نے خصوصی دعائیں کیں اور لنگر شریف تقسیم کیا۔ محفل پاک میں سینکڑوں پیر بھائیوں ‘ مریدوں’ عقیدت مندوں اور ارد گرد کے دیہات کے کثیر افراد نے شرکت کی۔