گجرات کی خبریں 21/07/2015

Gujrat

Gujrat

گجرات (جی پی آئی) ڈی سی او لیاقت علی چٹھہ نے گزشتہ سال سیلاب کی وجہ سے متاثر ہونے والے شہباز پور ، ماڑی کھوکھراں ، چوپالہ ، بہلولپور ، کوٹ پتواں ، نت ٹبہ ، منڈیالہ ، کوٹ قاسم آباد و دیگر حفاظتی بندوں کا اچانک دورہ کیا اور ان بندوں کو مضبوط بنانے کیلئے محکمہ آبپاشی کے زیرانتظام جاری تعمیراتی کاموں کا معائنہ کیا اسسٹنٹ کمشنر گجرات /ڈسٹرکٹ فلڈ ریلیف آفیسر احمد رضا سرا، ایکسیئن محکمہ انہار و دیگر افسران بھی ان کے ہمراہ تھے ۔ ڈی سی او لیاقت علی چٹھہ نے محکمہ انہار کے افسران کو ہدایت کی کہ تمام حفاظتی بند مضبوط بنانے کیلئے تعمیراتی کاموں کوتیز کیا جائے اور اسے بلاتاخیر مکمل کیا جائے تا کہ دریائے چناب میں سیلابی صورتحال پیدا ہونے کی صورت میں ان علاقوں کے مکینوں کے جان و مال کو محفوظ بنایا جا سکے اور فصلوں اور املاک کو ہر قسم کے نقصان سے بچایا جاسکے ۔ انہوںنے واضع کیا کہ کسی بھی قسم کی غفلت یا سستی ہرگز برداشت نہیں کی جائے گی انہوں نے ہدایت کی کہ حفاظتی بندوں مضبوط بنانے کیلئے معیاری میٹریل کا استعمال یقینی بنایا جائے ڈی سی او نے اسسٹنٹ کمشنر گجرات /ڈسٹرکٹ فلڈ ریلیف آفیسر احمد رضا کو ہدایت کی کہ وہ محکمہ انہار کے ساتھ قریبی رابطہ رکھیں اور دریائوں اور برساتی نالوں میں پانی کی صورتحال کو چوبیس گھنٹے مانیٹر کیا جائے ۔اس سے قبل ایکسیین انہار نے ڈی سی او لیاقت علی چٹھہ کو دریا میں پانی کی صورتحال اور حفاظتی بند مضبوط بنانے کیلئے کیے جانے والے اقدامات کے بارے میں تفصیلی بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گدی نشین دربار سائیں کانوانوالی سرکار ‘ سائیں اختر حسین نے کہا ہے کہ گجرات کے مختلف علاقوں سے عقیدت مند و مریدین شکایات لے کر آ رہے ہیں کہ ایسے افراد جن کا دربار سائیں کانوانوالی سرکار ‘ سے کوئی تعلق نہیں ہے وہ دربار کے نام پر لوگوں سے چندہ وصول کر رہے ہیں۔ اس سلسلہ میں ہم نے انتظامیہ کو آگاہ کر دیا ہے۔ ہمارا ایک وفد جلد ہی DPO گجرات سے ملاقات کرے گا اور انہیں صورتحال سے آگاہ کیا جائیگا۔ کسی کو دربار کے نام پر عقیدت مندوں سے پیسے وصول کرنے کی اجازت نہیں دی جائے گی۔ انہوں نے کہا کہ دربار میں سالانہ میلہ کے سلسلہ میں انتظامات کئے جا رہے ہیں ان انتظامات کو حتمی شکل دی جا رہی ہے۔ میلہ پر آنے والے عقیدت مندوں کو مکمل تحفظ فراہم کیا جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ریلوے اسٹیشن گجرات پر ٹی ایم کی غفلت اور ٹرانسپورٹ انچارج کی نا اہلی کی وجہ سے گندگی کے انبار لگ گئے۔ اہل علاقہ سارا گند ریلوے اسٹیشن گجرات کے ساتھ پھینک جاتے ہیں جس کی وجہ سے ریلوے اسٹیشن کے اطراف میں گندگی کے انبار لگ جاتے ہیں۔ ریلوے پھاٹک سرگودھا روڈ گجرات ریلوے گودام ‘ بیرونی دیوار محلہ خالدہ آباد و دیگر علاقوں پر گندگی کے ڈھیر ڈی سی او گجرات کے خوبصورت گجرات کے مشن کو داغدار کر رہے ہیں۔ کیا ڈی سی او گجرات ریلوے اسٹیشن کی حالت کو بہتر بنانے کیلئے کوئی اقدامات نہیں کرینگے١

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) انجمن امامیہ رجسٹرڈ گجرات کے صدر جاوید اقبال شاکر نے عید الفطر کے موقع پر امام بارگاہ فرزند علی شاہ میں خطاب کرتے ہوئے کہا کہ عید تحفہ ہے رمصان المبارک میں کی جانے والی عبادتوں و ریاضتوں کا ۔ کیونکہ رمضان المبارک کے دوران صدق دل سے اپنے رب کو یاد کرتے ہیں اور عبادت کرتے ہیں اسی طرح اللہ تعالی ٰ بھی انہیں انعام و کرام سے نوازتا ہے۔ ہمیں چاہئے کہ ہمیشہ صدق دل سے اللہ سے توبہ کریں اور نیک اعمال کریں امام بارگاہ فرزند علی شاہ میں رمضان المبارک کے دوران خصوصی انتظامات کئے گئے۔ سحری و افطاری کرائی گئی۔ جس میں شیعان علی نے بڑھ چڑھ کر تعاون کیا۔ انہوں نے کہا کہ انجمن امامیہ کے عہدیداران گجرات کے انتظامیہ ‘ ڈی سی او ‘ ڈی پی او اور ایس ایچ او تھانہ بی ڈویژن کے شکر گزار ہیں کہ انہوں نے رمضان المبارک اور عید الفطر کے موقع پر بھر پور انتظامات کئے جبکہ گجرات کے میڈیا کے بھی شکر گزار ہیں جنہوں نے رمضان المبارک کی تقریبات و مجالس کی کوریج کی۔ ہم آئندہ بھی اسی تعاون کے خواہش مند ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی ) TMA گجرات کی ناقص کارکردگی علی پورہ روڈ کے رہائشی عید بھی سکون سے نہ منا سکے۔ گزشتہ کئی ہفتوں سے علی پورہ چوک ‘ علی پورہ روڈ ‘ شالیمار ٹائون’ گلبرک کالونی و دیگر علاقوں میں سیوریج کا گندا پانی کھڑا ہیں جس سے لوگوں کو نماز کی ادائیگی میں بھی مشکلات کا سامنا رہا۔ TMA کو بارہا آگاہ کیا لیکن پانی کے نکاس کا کوئی انتظام نہیں کیا جا سکا۔ علاقہ کے مکینوں نے کہا کہ اگر پانی کے نکاس کا انتظام نہ کیا گیا تو اہل علاقہ احتجاج کرنے پر مجبور ہو جائیں گے۔ TMO اور ایڈمنسٹریٹر خود نوٹس لیں۔ علاقہ کا دورہ کر کے مسئلہ کو حل کروائیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات شہر میںعید کے دونوں میں چھوٹا گوشت700سے لئے کر1000روپے تک فروخت، انتظامیہ بے بس، تفصیلات کے مطابق گجرات شہرکے علاقے مچھلی بازار، شاہدولہ روڈ، سٹاف گلہ، حسن چوک،شاہ جہانگیر روڈ ودیگر علاقے میں چھوٹا قصابوں نے چھوٹا گوشت700سے لئے کر1000روپے تک فروخت کیا، جھوٹی بکری بیماربکریوں اور پانی مل گوشت بیچتا رہے گزشتہ سال عید پر700روپے چھوٹا گوشت فروخت ہو ئے تو پورا سال700چھوٹاگوشت فروخت ہوئے اگر اس عید پر1000روپے فروخت ہو ئے ہیں تو گزشتہ سال کی طرح قصابوں1000روپے فکس کر دے، انتظامیہ ماہ رمضان میں قصابوں کو جرمانے کرتی رہی، عید کے دنوں انتظامیہ بے بس ہو گئی ڈی سی او گجرات اس کا نوٹس لئے اورچھوٹا گوشت کا ریٹ فکس کرے۔