گجرات کی خبریں 29/8/2015

Gujrat

Gujrat

گجرات (جی پی آئی) اہالیان محلہ بخشو پورہ نے ڈی ایس پی سٹی سید غلام مصطفےٰ گیلانی کے رو برو پیش ہو کر بتایا کہ حاجی سرفراز احمد’ ولید علی اور قاسم اور علی رضا کے خلاف جو مقدمہ تھانہ اے ڈویژن میں درج ہوا ہے انکا اس مقدمہ سے دور کا بھی واسطہ نہیں ۔ یہ چاروں افراد بالکل بے گناہ ہیں۔ جنکی ہم طرح سے تسلی دینا چاہتے ہیں۔ اہل علاقہ نے ڈی ایس پی سٹی سید غلام مصطفےٰ گیلانی کو بتایا کہ حاجی سرفراز اور انکے دیگر افراد بھی اس وقوعہ میں شامل نہیں۔ یہ محض عداوت کی بناء پر انکو شامل کیاگیا ہے۔ محلہ بخشو پورہ کے سینکڑوں افراد نے انکی بے گناہی کی تسلی کرائی اہل علاقوں نے مطالبہ کیا کہ اس وقوعہ کی کھلے عام انکوائری کروائی جائے۔ ڈی ایس پی سٹی سید غلام مصطفےٰ گیلانی نے شرفاء کو یقین دلایا کہ بے گناہ افراد کو مقدمہ ہذٰا سے خارج کیا جائے گا۔ انصاف کیا جائے مقدمہ کی تفتیش میرٹ پر کی جا رہی ہے۔ اس موقع پر محمد جاوید پڈا’ چوہدری سلیم کمبوہ’ چوہدری شبیر پڈا’ سفیان احمد’ ذیشان گلزار’ وسیم خالد’ محمد اسلم بٹ’ مظہر حسین و دیگر افراد شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) گجرات میں توہین رسالت کے واقعہ کے خلاف گزشتہ روز جامع مسجد یا رسول اللہ ۖ علماء اہل سنت کا عظیم الشان ”ناموس رسالت کانفرنس” کا انعقاد کیا گیا۔ کانفرنس سے خطاب کرتے ہوئے علامہ محمد شاہد چشتی نے کہا کہ شان رسالت ۖ کے تحفظ کیلئے مسلمانوں کا بچہ بچہ قربان ہے اور گجرات میں اتنا بڑا واقعہ ہوا ہے انتظامیہ نے کوئی کردار ادا کیا ہے اور نہ ہی سارے ملزمان گرفتار کئے گئے ہیں۔ اہل سنت اس طرح کے واقعات کی شدید مذمت کرتے ہیں اس موقع پر علامہ عبدالرشید اویسی ‘علامہ پیر اکرم دیوانہ’ علامہ عبدالرحمن جماعتی’ ریاض منظور جیلانی’ پیر سید سلیمان شاہ’ ریاض احمد ‘ قاری امجد فاروق گیلانی’ خالد مصطفویٰ’ فیصل منیر قادری’ قاری عمران’ فاروق جلالی’ چوہدری فلک شیر وڑائچ’ صاحبزادہ عبدالمصطفیٰ نظامی سیالوی’ گلزار بٹ’ شبیر بٹ’ عبدالنبی سیالوی’ ڈاکٹر محمد آصف و دیگر نے شرکت کی۔ اس موقع پر اعلان کیا گیا کہ ہم پر امن احتجاج کیا ہے لیکن حکومت نے اگر ایکشن نہ لیا تو بھر پور احتجاج کیا جائے گا۔ یہ پروگرام سنی ایکشن کمیٹی اور پاسبان ناموس رسالت ۖ کے زیر اہتمام منعقد ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) ممبر اسلامی نظریاتی کونسل صاحبزادہ پیر سید سعید احمد شاہ گجراتی نے کہا ہے کہ یورپ میں اسلام کی تعلیمات پر تحقیقات ہو رہی ہیں اور یورپی قوانین میں اسلام کی بہت سی شقیں شامل ہیں۔ کیونکہ یورپی ممالک میں اسلام کی حقانیت کی وجہ سے لوگ اسلام قبول کر رہے ہیں ‘ وہ گزشتہ روز بیرون ملک وطن واپس کے بعد جامع مسجد شہنشاہ ولایت میں جمعتہ المبارک کے موقع پر خطاب کر رہے تھے۔ قبل ازیں ان کا شاندار استقبال کیا گیا۔ ان پر پھولوں کی پتیاں نچھاور کی گئیں اور ہار پہنائے گئے۔ پیر سید سعید احمد شاہ گجراتی نے کہا کہ پاکستان خوش قسمت ملک ہے جہاں مسلمان اپنی مرضی کے مطابق زندگی گزار رہے ہیں اور اسلامی تعلیمات کو فروغ دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈی سی او لیاقت علی چٹھہ ، ایم پی اے چوہدری اشرف دیونہ ، چیئرمین ڈویلپمنٹ اینڈ بیوٹیفکیشن حاجی اورنگزیب بٹ نے جلالپور جٹاں روڈ کا دورہ کیا اور بیوٹیفکیشن کے سلسلہ میں جاری کام کا جائزہ لیا ۔ڈی سی او لیاقت علی چٹھہ نے کہا ہے کہ خوبصورت گجرات پروگرام کے تحت جلالپور جٹاں روڈ کو ماڈل سڑک بنانے کے لئے کام تیزی سے جاری ہے، اس سلسلہ میں ضلعی حکومت اور ٹی ایم اے نے اپنے تمام وسائل برئوے کار لاتے ہوئے روڈسے تجاوزات کا خاتمہ کر دیا ہے اور سڑک کو کھلا کرنے کیلئے دونوں اطراف برم چھ چھ فٹ چوڑے کر دئیے گئے ہیںانہوں نے کہا کہ چیئرمین بیوٹیفکیشن کمیٹی اورنگزیب بٹ کی زیر نگرانی جلالپور جٹاں روڈ کے اطراف شجر کاری کی جائے گی جبکہ راستے میں آنے والے پلوں کی تزئین و آرائش بھی کی جائیگی ۔ انہوں نے بتایا کہ آبادیوں میں سٹرک کے اطراف سیوریج کے پانی کے نکاس کا مسئلہ بھی مستقبل حل یقینی بنایا جائیگااور نکاسی آب کیلئے ٹھوس اقدامات کیے جائیں گے ۔ انہوں نے ٹی ایم اے کے ایڈمنسٹریٹر اوردیگرا فسران کوتجاوزات کے خلاف بلا تفریق آپریشن پر سراہا اور ہدایت کی کہ مستقبل میں تجاوزات کرنے والوں کے خلاف سخت کاروائی یقینی بنایا جائیگی۔ چیئرمین بیوٹیفکیشن کمیٹی حاجی اورنگزیب بٹ نے بات چیت کرتے ہوئے کہا کہ ڈی سی او لیاقت علی چٹھہ کی زیر نگرانی جی ٹی روڈ ، رحمان شہید روڈ ، بھمبر روڈ کو خوبصورت بنانے کیلئے کام آخری مراحل میں داخل ہو چکا ہے اور اب جلالپور جٹاں روڈ کو ماڈل بنانے کیلئے بیوٹیفکیشن کمیٹی تمام وسائل برئوے کار لائے گی ۔ انہوں نے کہا کہ خوبصورت گجرات یہاں کے رہنے والے ہر شہری کا خواب ہے جس کی عملی تعبیر اب زیادہ دنوں کی بات نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)مجلس وحدت مسلمین کے سربراہ راجہ ناصر عباس نے کہا ہے کہ اگر ن لیگ نے کارکنوں کی پکڑ دھکڑ بند نہ کی تو جیل بھرو تحریک چلائیں گے ۔ہم پرامن لوگ ہیں ۔بزرگ عالم دین علامہ ساجد نقوی کو فورتھ شیڈول میں ڈال دیا گیا ہے جو کہ افسوس کی بات ہے ہم جلوس اور عزاداری پر قدغن برداشت نہیں کریں گے ۔ان خیالات کا اظہار انہوں نے گزشتہ روز امام بارگاہ گلستان زہرامیں علامہ حافظ کفایت حسین مرحوم کی زوجہ کے عسم قل کے بعد میڈیا کے نمائندوں سے گفتگو کرتے ہوئے کیا۔انہوں نے کہا کہ ہم انتہائی مشکل حالات سے گزر رہے ہیں ۔صوبائی حکومتیں خصوصا وفاقی اورپنجاب حکومت ضرب عضب آپریشن کو صحیح سمت میں سپورٹ نہیں کررہیں۔نیشنل ایکشن پلان پر جس طر ح عملدرآمد ہونا چاہیے تھا اس طر ح نہیں ہورہا ۔سیاسی مخالفین کو انتقام کا نشانہ بنایا جارہا ہے ۔ہماری نسل کشی ہوئی اس کے باوجود ہم پر ہی ظلم ہورہا ہے ۔کسی جرم کے بغیر ہی ہمارے لوگوں کو 90روز کے لئے بند کیا جارہا ہے ۔بلوچستان ،خیبر پختونخواہ اور آزاد کشمیر میں ظلم نہیں ہورہا صرف جہاں ن لیگ کی حکومت ہے وہا ں ہی ہم پر ظلم ہورہا ہے ۔حکمران ان قوتوں کے خلاف سازشیں کررہے ہیں جو قو ت ضرب عضب آپریشن میں مصروف ہے ۔ہمارے ڈپٹی سیکرٹری جنرل علامہ امین شہید ی پر قتل کا جھوٹا مقدمہ در ج کرلیا گیا ہے۔بے گناہ افراد کی پکڑ کر بند کیا جارہا ہے۔ حکومت نے خود کو نہ بدلا تو ہم تحریک کا آغاز کریں گے،انہوں نے لائن آف کنٹرول پر بھارتی جارحیت کی شدید مذمت کرتے ہوئے کہا کہ بھارت کسی غلط فہمی میں نہ رہے اس وطن کے شجاع اور شیر دل بیٹے اس بزدل دشمن کو نشان عبرت بنانے کے لئے تیار ہیں،انڈیا اپنے پالتو دہشت گرد طالبان،لشکر جھنگوی اور تکفیر عناصر کی شکست سے بوکھلاہٹ کا شکار ہے،پاکستان انشااللہ دشمن قوتوں کی تمام تر سازش کو خاک میں ملا کر دم لیں گے۔