گجرات (جی پی آئی) ڈی پی او گجرات رائے ضمیر الحق نے کہا ہے کہ مویشی چوری مویشی چوری کا خاتمہ ہماری اولین ترجیح ہے میں کوشش کروں گا جب تک میری تعیناتی گجرات میں ہے کسی کا مویشی چوری نہ ہو ۔ اگر کسی کی چند ہزار کی چوری ہو جائے تو پورے شہر میں ہلچل مچ جاتی ہے جبکہ کسی غریب کسان کا دو لاکھ کا مویشی چوری ہو جائے تو اسکا کوئی پرسان حال نہیں ہوتا۔ مویشی غریب کسان کے لئے بہت اہمیت رکھتا ہے۔ ہم مویشی چوری کو روکنے کیلئے خصوصی سیل بنائیں گے تاکہ مویشی چوری کا خاتمہ ہو سکے۔ انہوں نے کہا کہ جن پولیس افسران و ملازمین نے مویشی چور گینگ کے خاتمہ کیلئے کام کیا انہیں پریس کلب گجرات میں منعقدہ تقریب میں ایوارڈ دئیے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات پولیس کی بہترین کارکردگی مویشی چوری کی وارداتوں میں ملوث بین الضلاعی پپو گینگ گرفتار۔ ڈی پی او گجرات رائے ضمیر الحق نے ضلع بھر میں مویشی چوری کی وارداتوں کو ٹریس کرنے کیلئے سی آئی اے پولیس پر مشتمل خصوصی ٹیم تشکیل دی۔ ٹیم نے انتہائی محنت اور جان فشانی سے پپو گینگ ٹریس کر کے گرفتار کر لیا۔ ملزمان مویشی چور گینگ سے 20 سے زائد مسروقہ مویشی برآمد ہوئے۔ ملزمان ڈیروں سے رات کے وقت مویشی ٹرکوں پر لاد کر لے جاتے تھے ۔ گرفتار ہونیو الے ملازمین میں محمد اسجد سکنہ مہسم، محمد افضل سکنہ مجنوں چک، محمد عمران سکنہ غئی گوجرانوالہ کو گرفتار کر لیا جبکہ باقی ملزمان تاحال روپوش ہیں۔ ڈی پی او گجرات رائے ضمیر الحق نے CIA سٹاف کی بہترین کارکردگی پر پولیس ٹیم کو شاباش دی اور ٹیم کے سربراہ انسپکٹر شہباز و دیگر ملازمین کو تعریفی سرٹیفکیٹ دینے کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان مسلم لیگ (ق) کی رہنما و امیدوار برائے چیئرمین یو سی عادووال محترمہ یاسمین ریاض نے کہا ہے کہ قائدین چوہدری برادران نے مجھے جو ذمہ داری سونپی ہے اسے بطریق احسن نبھائوں گی۔ پہلے بھی عوام کی خدمت کرتے رہیں جس کی وجہ سے عوام کے بے حد اصرار پر دوبارہ الیکشن میں حصہ لے رہی ہوں۔ اور انشاء اللہ عوام کے ووٹوں اور دعائوں سے کامیاب ہو کر خدمت کا یہ مشن جاری رکھیں گے قائدین نے مجھے ٹکٹ دے کر کارکنوں کی حوصلہ افزائی کی ہے۔ انشاء اللہ بلدیاتی الیکشن میں تن من دھن کی بازی لگا دیں گے اور یہ یو سی عادووال کی سیٹ قائدین کو تحفہ میں دیں گے۔ بلا شبہ یو سی عادووال پاکستان مسلم لیگ (ق) اور چوہدری برادران کے چاہنے والوں کا علاقہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ولی کامل حضرت میاں جمیل احمد شرقپوری کے دوسرے سالانہ ختم پاک کے سلسلہ میں 11 ستمبر بروز جمعتہ المبارک کو عظیم الشان شیخ المشائخ کانفرنس کا انعقاد کیا جائے گا۔ یہ کانفرنس دی ایجوکیٹرز بارہ دری کیمپس عقب ظہور الٰہی اسٹیڈیم گجرات میں منعقد ہو گی۔ جس کی صدارت آستانہ عالیہ شرقپور شریف صاحبزادہ میاں جمیل احمد شرقپوری اور میاں محمد صالح کریں گے۔ جبکہ خصوصی خطاب صاحبزادہ غلام بشیر نقشبندی جبکہ مہمانان اعزاز میں صاحبزادہ پیر سید زاہد صدیق شاہ بخاری’ MPA حاجی عمران ظفر’ صاحبزادہ پیر سید زاہد حسین شاہ ترمذی’ صاحبزادہ پیر سید سعید احمد شاہ گجراتی ‘ صاحبزادہ پیر سید ولی حسین شاہ ‘ صاحبزادہ پیر سید محمد زمان شاہ’ صاحبزادہ پیر سید آل احمد شاہ ‘ صاحبزادہ الحاج سائیں اختر حسین ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سٹیزن فرنٹ سٹی گجرات کے رابطہ سیکرٹری تنویر بھٹی کی والدہ محترمہ کی روح کے ایصال ثواب کیلئے ختم قل آج 5 ستمبر 2015ء بروز ہفتہ صبح دس بجے جامع مسجد رحمیہ محلہ ٹاہلی پورہ گجرات میں پڑھا جائے گا۔ ایصال ثواب کی محفل پاک میں شرکت فرما کر ثوابِ دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پی آئی اے کے ممتاز آفیسر چوہدری محمد علی جوڑا کو سٹیزن فرنٹ کی سپریم کونسل کا ممبر منتخب کر لیا گیا۔ اس بات کا فیصلہ ضلعی صدر چوہدری علی ابرار جوڑا نے سٹیزن فرنٹ کی سپریم کونسل کے ماہانہ اجلاس میں اراکین کی باہمی مشاورت سے کیا۔ اراکین سپریم کونسل نے چوہدری محمد علی جوڑا کو ممبر سپریم کونسل منتخب ہونے پر دلی مبارکباد دی اور اس امر کا اظہار کیا کہ ان کی شرکت سے سٹیزن فرنٹ کو مزید تقویت ملے گی۔ چوہدری محمد علی جوڑا نے کہا کہ میں صدر و دیگر عہدیداران کا مشکور ہوں اور انشاء اللہ ان کی توقعات پر پورا اترنے کی کوشش کرونگا اور سٹیزن فرنٹ کے اغراض و مقاصد کے مطابق تنظیم کی کارکردگی کو مزید بہتر بنائوں گا۔
مرزا شبیر جرال نے سید عابد حسین اور چوہدری اظہر حسین گورائیہ کی قیادت میں مسلم لیگ ن میں شمولیت اختیار کر لی
گجرات کی خبروں کی تصویری جھلکیاں