گجرات کی خبریں 17/12/2015

Gujrat

Gujrat

گجرات (جی پی آئی) ممتاز سماجی شخصیت چوہدری مہدی خاں اور چوہدری علی ابرار جوڑا نے نو منتخب چیئرمین میاں پرویز اختر پگانوالہ ‘ وائس چیئرمین چوہدری ضرغام وسیم جوڑا و دیگر کے اعزاز میں پر تکلف عشائیہ دیا۔ جن لوگوں نے الیکشن کے دوران میاں پرویز اختر پگانوالہ اور ضرغام وسیم جوڑا کی کامیابی کیلئے کام کیا ان کے اعزاز میں پروگرام منعقد کیا گیا۔ اس موقع پر اظہارِ خیال کرتے ہوئے میاں پرویز اختر پگانوالہ نے کہا کہ ہم میں تمام دوستوں کا شکر گزار ہوں جنہوں نے چوہدری ابرار جوڑا مرحوم سے دوستی نبھائی ہے اور انکے بیٹے چوہدری علی ابرار جوڑا کی درخواست پر مجھے کامیاب کروایا۔ میں اسی طرح ان دوستوں کے تعاون سے بھر پور طریقے سے کام کرتا رہوں گا۔ اور علاقہ کے مسائل حل کروں گا ۔ خدمت خلق کو ترجیح بنائوںگا۔ چوہدری علی ابرار جوڑا نے کہا کہ میں تمام بزرگوں اور دوستوں کا شکر گزار ہوں۔ جنہوں نے میرے ساتھ تعاون کیا اور ہمارے بزرگ میاں پرویز اختر پگانوالہ کو کامیاب کراویا۔ اس موقع پر علاقہ کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی ایس پی ٹریفک میاں سہیل فاضل نے کہا ہے کہ دھند کے موسم میں لائٹس کو درست رکھا جائے۔ اور ٹریفک قوانین کی پابندی کرتے ہوئے احتیاطی تدابیر اختیار کریں۔ وہ گزشتہ روز جنرل بس اسٹینڈ پر ٹرانسپورٹرز اور ڈرائیورز سے گفتگو کر رہے تھے۔ انہوں نے کہا کہ دھند کے دوران حادثات کی وجہ ہیڈ لائٹس کا درست استعمال نہ ہونا اور قوانین سے نا آشنائی ہے۔ ڈرائیورز کو چاہئے کہ وہ ٹریفک قوانین کا مطالعہ کریں تاکہ حادثات میں کمی ہو اور دھند کے دوران لائٹس مدھم رکھیں تاکہ دوسرے ڈرائیورز کو مشکلات پیش نہ آئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) زیب سجادہ نشین آستانہ عالیہ غوث یگانہ صاحبزادہ پیر سید اسرار الحسن شاہ جشن عید میلاد النبی ۖ کے سلسلہ میں 12 ربیع الاول کو ہونے والی محفل کے سلسلہ میں بیرون ملک سے وطن واپس پہنچ گئے۔ وہ محفل کے انتظامات کے سلسلہ میں کام کریں گے۔